SQO-da sanıtarııalyq talaptardy buzǵandarǵa 40 mln teńgeniń aıyppuly salyndy
SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, búgingi kúni oblys boıynsha 23 monıtorıngtik top jumys isteıdi. Jyl basynan olar 2570 reıd júrgizip, 18 myńǵa jýyq nysandy tekserdi. Nátıjesinde karantın talabyn buzýǵa qatysty 536 derek tirkeldi.
«Turǵyndar maska rejımin buzady. Buqaralyq is-sharalardy ótkizip, dezınfektsııalaý jumystaryn júrgizbeıdi. Kelýshilerge maskasyz qyzmet kórsetip, nysandar qaýlyǵa sáıkes jumys isteý rejımin buzǵan.
Aýmaqtyq polıtsııa basqarmalarynan kelip túsken materıaldar negizinde jáne úılestirý ortalyqtarynyń shuǵyl habarlamalary boıynsha aýmaqtyq sanıtarııalyq-epıdemıologııalyq baqylaý basqarmalary kásipkerlik sýbektilerine 37 jospardan tys tekserý júrgizdi. Karantındik jáne shekteý rejımin jáne sanıtarııalyq qaǵıdalardyń talaptaryn buzǵany úshin ákimshilik quqyq buzýshylyq týraly 576 hattama toltyryldy, 549 aıyppul salyndy. Aıyppuldyń jalpy somasy 40 mln teńgeden asady», - deıdi SQO sanıtarııalyq-epıdemıologııalyq baqylaý departamenti tehnıkalyq reglamentterdiń talaptaryn baqylaý bóliminiń basshysy Danııar Ospanov.
Mamannyń aıtýynsha, onyń ekeýi laýazymdy tulǵalarǵa, 6-ýy zańdy tulǵalarǵa, 25-i jeke kásipkerlerge jáne 516-sy jeke tulǵalarǵa qatysty. 14 ákimshilik materıal sotqa joldandy, alaıda 13-i quqyq buzýshylyqtyń eleýsiz bolýyna baılanysty toqtatyldy.
Buǵan deıin SQO-da epıdemıologııalyq jaǵdaıdyń kúrdeli ekenin aıtqan edik. Ótken aptada óńirde 5 adam koronavırýstan qaıtys boldy.