SQO-da ruqsat etilmegen oryndarda sýǵa shomylǵandarǵa aıyppul salyndy

<p>PETROPAVL. KAZINFORM &ndash; Soltústik Qazaqstan oblysynda arnaıy jaraqtandyrylmaǵan oryndarda sýǵa shomylǵandar anyqtalyp aıyppul salynyp jatyr. Óıtkeni maýsym aıynan beri óńirde alty adamnyń máıiti sýdan tabylǵan.&nbsp;</p>

SQO Tótenshe jaǵdaılar departamenti azamattyq qorǵanys basqarmasynyń aǵa ofıtseri Rızabek Temirbekovtyń aıtýnsha, qazirgi ýaqytta óńirde halyqtyń sýǵa shomylyp, demalýyna arnalǵan 60 oryn bar. Ol 13 kól men Esil ózeniniń boıynda ornalasqan.

«Bul oryndarda adamdardyń qaýipsizdigi úshin bar jaǵdaı jasalǵan. Ol jerler aldyn ala tekserilip, sý aıdyndarynyń túbi tazartylǵan. Sondaı-aq kezekshilik atqaratyn qutqarýshylar bar, der kezinde medıtsınalyq kómek te kórsetiledi», - deıdi Rızabek Temirbekov.

Alaıda, qaýipsizdikti keıingi orynǵa qoıatyndar áli de bar. Ruqsat etilmegen jerlerde sýǵa shomylǵan 18 adamǵa bıyl aıyppul salynǵan.

«Aıyppuldyń mólsheri - 25 myń teńge shamasynda. Maqsatymyz jazalaý emes, arty qaıǵyǵa aparar oqıǵanyń aldyn alý. Sol sebepti kúndelikti reıdter ótkizip, túrli broshıýralar taratyp, halyqpen kezdesip, arnaıy jumys júrgizip jatyrmyz.

Desek te, sýǵa ketkender bar, resmı eki adam. Qalǵandarynyń sýǵa batqanyn kórgen kýágerler joq. Sot-medıtsınalyq saraptamanyń qorytyndysyn kútip otyrmyz», - deıdi basqarma mamany. 
Byltyr SQO-da bes adam sýǵa ketken.

Esterińizge salaıyq, Qyzyljar aýdany Beskól aýylynyń mańynda eki jasóspirimniń máıiti Esil ózeniniń arnasynan tabylǵanyn jazǵan edik.