SQO-da Reseıge zańsyz ótip bara jatqan 17 ózbekstandyq ustaldy

ASTANA. QazAqparat - Kórshiles elge zańsyz ótpek bolǵan sheteldikterdi SQO ІІD zańsyz mıgratsııaǵa qarsy kúres vzvodynyń qyzmetkerleri «Zapadnyı» baqylaý pýnktinde quryqtady, dep habarlaıdy «QazAqparat» HAA tilshisi.

Bul týraly SQO ІІD baspasóz qyzmeti habarlaıdy.

Mıgratsııalyq polıtsııa Astana qalasynyń turǵyny júrgizip bara jatqan «Toıota Haıs» avtokóligin toqtatqan. Mıkroavtobýsty tekserý kezinde Ózbekstan Respýblıkasynyń 17 azamatynyń qujattary bolǵanymen, mıgratsııalyq kartochkalarynyń ýaqyty ótip ketkendigi anyqtalǵan. Atalǵan azamattar Reseıge tabys tabý maqsatynda bara jatqan.

SQO ІІD mıgratsııalyq qyzmet basqarmasynyń bastyǵy Talǵat Ábilovtiń aıtýynsha, ustalǵan azamattar ishki ister organdarynda tirkelmegen.

«Atalǵan azamattarǵa qatysty QR ákimshilik quqyqbuzýshylyq týraly Kodeksiniń 517-baby boıynsha is qozǵalyp, sotqa joldandy. Jyl basynan beri SQO ІІD mıgratsııalyq polıtsııasy osy bap boıynsha 1558 sheteldik azamatty ákimshilik jaýapkerilikke tartqan. Olardyń 1536-y - TMD elderiniń azamattary. Sot sheshimi boıynsha 72 sheteldik el shekarasynan shyǵaryldy. Zańsyz mıgratsııaǵa qarsy kúres jalǵasa beredi», - dep habarlaıdy SQO ІІD baspasóz qyzmetinen.