SQO-da referendým ýchaskelerinde jármeńke uıymdastyrylyp jatyr

PETROPAVL. QazAqparat – Soltústik Qazaqstan oblysynda Konstıtýtsııaǵa túzetýler boıynsha referendýmǵa qatysýǵa 379 620 adamnyń quqyǵy bar, dep habarlaıdy QazAqparat tilshisi.

SQO referendým komıssııasynyń málimetinshe, óńirde 648 referendým ýchaskesi jumys istep jatyr. Tańerteńnen bastap daýys berýshilerdiń legi azaıar emes. Jalpy búgin oblysta 379 620 adam quqyǵyn paıdalanyp, referendýmǵa qatysa alady. Al belgili bir sebeptermen ýchaskelerge kele almaıtyndarǵa arnaıy jáshik úıine aparylady. Tek ol úshin daýys berýshiniń ótinishi bolsa bolǵany.

«Tańerteń barlyq ýchaskeler ashyldy, qazir shtattyq rejımde jumys istep jatyr. Búgin ýchaskelerde komıssııanyń 3725 múshesi jumys isteıdi. Barlyǵy arnaıy kýrstan ótken, sertıfıkattary bar. Olardyń mindeti daýys berýdiń esh quqyq buzýshylyqsyz, ádil ári zańǵa saı ótýin qadaǵalaý», - deıdi SQO referendým komıssııasy tóraǵasynyń orynbasary Sergeı Kalının.

SQO ishki saıasat basqarmasynyń málimetinshe, búgin referendým ýchaskeleriniń barlyǵynda jármeńke ótip jatyr. Bul jerde daýys berýshiler turaqtandyrý qorynyń baǵalaryna saı azyq-túlikti, sonyń ishinde kókónisti, qant, jarmalar men suıyq maıdy naryqtaǵydan arzanǵa satyp ala alady.

Bul kúni óńirdiń shyǵarmashylyq ujymdary da jumys istep, referendým ýchaskelerinde kelýshilerge kontserttik baǵdarlama usynady.