SQO-da PTR testi joq myńnan astam sheteldikke elge kirýge tyıym salyndy

PETROPAVL. QazAqparat – Soltústik Qazaqstan oblysy avtomobıl joldaryndaǵy shekaralyq baqylaý beketteri arqyly sońǵy segiz aıda myńnan astam sheteldik PTR testileýsiz ótpek boldy, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, shetelderden kelgen adamdardyń arasynda KVI juqtyrǵandar tirkelip jatyr.

2020 jyldyń 6 qazany men 2021 jyldyń 9 tamyz aralyǵynda Reseı Federatsııasymen shekaralas avtomobıl joldaryndaǵy UQK-niń shekaralyq baqylaý beketteri arqyly 212 779 adam ótken. Onyń ishinde jolaýshy – 104 475 adamda PTR-testileýdiń teris nátıjesi kórsetilgen anyqtamalary bolǵan. Qazaqstannyń 5016 azamatynda tıisti anyqtama bolmaǵan. Olar COVID-19-ǵa zerthanalyq tekserý úshin karantındik statsıonarlarǵa ornalastyryldy. Nátıjesinde KVI-ge oń nátıjemen 313 adam anyqtaldy, onyń ishinde 39 adam ınfektsııalyq statsıonarǵa ornalastyrylsa, 274 adam ambýlatorııalyq emdeýge jiberildi.

9 tamyzda Reseımen shekaralas avtomobıl joldaryndaǵy shekaralyq baqylaý beketteri arqyly 973 adam ótken. Jolaýshylardyń 729-da PTR-taldaýdyń teris nátıjesi kórsetilgen anyqtama bolǵan. Anyqtamasyz kelgen 8 qazaqstandyq karantındik statsıonarlarǵa ornalastyrylyp, PTR-taldaý ádisimen COVID-19-ǵa tekserildi. 1 shetel azamatyna kirýge tyıym salyndy.

Jalpy sońǵy segiz aıdyń ishinde 1081 sheteldik azamatqa COVID-19-ǵa PTR-testileý týraly anyqtamanyń bolmaýyna baılanysty elge kirýge tyıym salyndy.

Shetelden osy aralyqta vaktsınatsııalaýdyń tolyq kýrsyn alǵan 6385 qazaqstandyq kirgen, onyń 4671-i jolaýshy bolsa, 1714-i – júk tasymaldaýshy.