SQO-da provızorlyq statsıonarǵa kómek retinde azyq-túlik, gıgıena buıymdary jetkizildi
«Nur Otan» partııasy SQO fılıaly baspasóz qyzmetiniń málimetinshe, partııanyń Taıynsha aýdandyq fılıaly Kellerovka eldimekenindegi provızorlyq statsıonarǵa taza sý, qymyz, táttiler, shaı, qoıýlatylǵan sút, konserviler jáne gıgıena buıymdaryn jetkizdi.
Provızorlyq statsıonarda pnevmonııamen aýyrǵan jáne koronavırýstyq ınfektsııany juqtyrǵan 53 syrqat em alyp jatyr. Emdeý mekemesinde 12 medıtsına qyzmetkeri jumys isteıdi.
«Nur Otan» partııasy Taıynsha aýdandyq fılıaly tóraǵasynyń birinshi orynbasary Sársenbaı Bekshenovtyń aıtýynsha, «Dárigerlerge rahmet» aktsııasy pandemııa kezinde eńbek etip jatqan medıtsına qyzmetkerlerine qoldaý kórsetý maqsatynda uıymdastyryldy.
«Partııanyń belsendi músheleri, partııalyq baqylaý komıssııasynyń músheleri, jergilikti BAQ ókilderi kómektesti. Kellerovka eldimekenindegi statsıonarda medıtsına qyzmetkerleri táýlik boıy kúsheıtilgen tártipte jumys isteıdi. Úı kórmeıdi. Olardy qazir qoldaý kerek», - deıdi Sársenbaı Bekshenov.
SQO Densaýlyq saqtaý basqarmasynyń málimetinshe, óńirdegi ınfektsııalyq statsıonarlarda - 480, provızorlyq statsıonarlarda 1620 oryn bar. Qosymsha Ýálıhanov aýdanynda 10 oryndyq ınfektsııalyq statsıonar ashyldy.
Buǵan deıin SQO-da koronavırýsty ınfektsııa juqtyrǵandardyń 68-i búgin táýir bolyp, úılerine jiberilgenin aıtqan edik.