SQO-da prokýratýranyń mobıldi tobyna segiz aıda 69 kásipker aryzdanǵan
SQO prokýratýrasynyń málimetinshe, kásipkerlerdiń quqyǵyn qorǵaý jónindegi mobıldik toptardyń jumys nátıjesi boıynsha keńes ótti.
Ótken kezeńde kásipkerlerdiń quqyǵyn qorǵaý jónindegi mobıldi toptyń telefonyna 69 shaǵym kelip tústi, onyń 5-i ǵana rastaldy, 35-i rastalmady, 29-y boıynsha túsindirý jumysy júrgizildi.
Máselen, tamyz aıynyń basynda Petropavl qalalyq polıtsııa basqarmasyna I.V. Semashko aryzdanǵan. Kásipker A.M.Súleımanov pen taǵy birneshe adamnyń múlikti zańsyz ustaǵany týraly aıtyp, shara qoldanýdy suraǵan. Múlikti zańsyz ustaý faktisi boıynsha QR Qylmystyq kodeksiniń 389-baby 1-bóligi boıynsha sotqa deıingi tergeý bastaldy.
Mobıldi top habarlama boıynsha sol jerge shyǵyp, I.V.Semashko men A.M.Súleımanov arasynda azamattyq-quqyqtyq daý ekenin anyqtaǵan. Olar jartylaı tirkeme-tsısterna men kómirqyshqyl ballondaryn bólise almaǵan. ıAǵnı qylmystyq qýdalaý organynda sotqa deıingi tergep-tekserýdi bastaý úshin negiz bolmaǵan.
Osyǵan baılanysty Petropavl qalasynyń prokýratýrasy qylmystyq quqyq buzýshylyq quramnyń bolmaýyna baılanysty iske qatysty sotqa deıingi tergep-tekserýdi toqtatty.
Sondaı-aq mobıldi topqa habarlasýynyń nátıjesinde memlekettik satyp alýdan zańsyz shettetilgen kásipkerdiń quqyǵy qorǵaldy.
Taǵy bir shaǵymda bıznes ókilderi polıtsııa tarapynan eki tekseristiń zańsyz júrgizileıin dep jatqanyn aıtyp, másele oń sheshildi.
SQO-nyń barlyq aýdanynda jáne Petropavlda kásipkerlerdiń quqyǵyn qorǵaý jónindegi mobıldi toptar jumys istep jatyr. Mobıldi toptardy prokýror basqarady, sondaı-aq quramyna Polıtsııa departamentiniń jeke qaýipsizdik qyzmetkerleri, Quqyqtyq statıstıka jáne arnaıy esepke alý komıtetiniń, Kásipkerlik jáne ındýstrııalyq-ınnovatsııalyq damý basqarmasynyń, sondaı-aq kásipkerler palatasynyń ókilderi kiredi.
Oǵan 8-715-2-36-03-83, 8-705-842-73-06 telefondary arqyly habarlasýǵa bolady, baılanys telefony táýlik boıy jumys isteıdi.