SQO-da Prezıdent Joldaýy aıasynda josparlanǵan sharalardyń 26% oryndaldy

NUR-SULTAN. QazAqparat - Soltústik Qazaqstan oblysynda josparlanǵan 1134 is-sharanyń 26% oryndaldy. Bul týraly óziniń Facebook paraqshasynda «Nur Otan» partııasy tóraǵasynyń birinshi orynbasary Baýyran Baıbek málim etti, dep habarlaıdy QazAqparat.

«Búgin Soltústik Qazaqstan oblysynyń birqatar nysandaryn araladym.⠀Elbasy, partııa Lıderi Nursultan Nazarbaevtyń tapsyrmasy boıynsha biz ár oblysta, qalada jáne aýdanda saılaýaldy ýádelerdi oryndaý boıynsha 217 jol kartasyn baqylaýdamyz.⠀

Memleket Basshysy Qasym-Jomart Toqaev jarııa etken «Ózgerister joly: Ár azamatqa laıyqty ómir!» saılaýaldy baǵdarlamasy óńirlerde 14%-ke iske asyryldy. Jyl basynan beri 9 mln. sharshy metrge jýyq turǵyn úı salyndy, 131 mektep, 70 balabaqsha jáne 22 medıtsınalyq nysan ashyldy. 200 myńnan astam adam turaqty jumys oryndaryna ornalastyryldy. 837 mlrd teńgege ınvestıtsııa tartý arqyly 89 kásiporyn iske qosyldy»,-dep jazdy partııa tóraǵasynyń orynbasary.

Onyń sózinshe, Soltústik Qazaqstan oblysynda josparlanǵan 1134 is-sharanyń osy kúni 26%-ti oryndaldy. Máselen, bıyl 10 sút-taýar fermasy iske qosylady, 13 myń basqa arnalǵan 2 bordaqylaý alańy, 2 qus fabrıkasy salynady jáne t. b.⠀

El azamattarynyń 40%-ten astamy aýylda turatynyn eskere otyryp, Elbasynyń «Aýyl – El besigi» jobasy sheńberinde aýyldy damytý, aýyl turǵyndarynyń ómirin jaqsartý úshin jaǵdaılar jasalyp jatyr. ⠀

«Sondyqtan partııa fılıalynyń tóraǵasy, oblys ákimi Qumar Aqsaqalovpen birge Aıyrtaý aýdanyndaǵy «Ádemi Astyq» JShS-nyń quny 1 mlrd. teńgeden asatyn sút-taýar fermasy qurylysynyń barysymen tanystyq. ⠀

Sharýa qojalyǵy ornalasqan aýyldyń tarıhy qyzyq. 2004 jyly halyqtyń údere ketýine baılanysty Prekrasnoe aýylynyń shyn máninde tirshiligi toqtap qaldy. 2011 jyly «Nur Otan» partııasynan oblystyq máslıhattyń depýtaty Baqyt Qusaıynov aýylǵa oralyp, mal ósirýge kiristi. Jobanyń tabystylyǵyn eskere otyryp, depýtat jumys kúshi artyq óńirlerden qonys aýdarý baǵdarlamasyn belsendi qoldaı bastady. Qazirgi kezde 14 úı salyndy, taǵy 10 úıdiń qurylysy júrip jatyr.⠀

Bizdiń Saılaýaldy baǵdarlamamyzdyń aıasynda bul baǵyttaǵy jumystar kúsheıtiletin bolady. Ol úshin «Dıplommen aýylǵa» baǵdarlamasy boıynsha kelgen jas mamandarǵa turǵyn úı satyp alýǵa jeńildikpen nesıe bólinedi. Sondaı-aq, óńirlerdiń deńgeıinde jas otbasylardyń turǵyn úı problemalaryn sheshý úshin baǵdarlamalar ázirlenedi. Jalpy, elimiz boıynsha jyl saıyn 700 myńǵa jýyq adam jumyspen qamtýdyń belsendi túrlerimen qamtylady»,-dedi Baýyrjan Baıbek.

⠀