SQO-da polıtseıler tolǵaq qysqan áıeldi perınataldyq ortalyqqa jetkizýge kómektesti

<p>PETROPAVL. KAZINFORM &ndash; SQO-da aýyl turǵyny tolǵaǵy qysqan áıelin perınataldyq ortalyqqa jetkizýge kómektesken polıtseılerge alǵysyn bildirdi. Bul týraly <a href="https://polisia.kz/sqo-da-politsejler-tolghaghy-qysqan-ajeldi-perinataldyq-ortalyqqa-uaqytyly-zhetkizuge-komektesti/" target="_blank" rel="noopener">Polisia.kz</a> habarlady.</p>

Soltústik Qazaqstan oblysynyń polıtsııa departamentine Aqqaıyń aýdanyndaǵy Daıyndyq aýylynyń turǵyny habarlasyp, tolǵaǵy qysqan áıelin Petropavl qalasynda ornalasqan perınataldyq ortalyqqa ýaqytyly jetkizýge kómektesken patrýldik polıtsııa batalonynyń qyzmetkerlerine alǵysyn aıtty. 

Azamat pen onyń áıeli besinshi balalaryn kútýde. Biraq polıtseılerdiń kómegine alǵash ret júginip otyr. Erli-zaıyptyny oblystyq perınataldyq ortalyqqa apara jatqan VAZ-2114 avtokóliginiń júrgizýshisi patrýldik avtokólikti kóre sala, birden polıtseılerden kómek surady. 

SQO PD patrýldik polıtsııa batalonynyń ınspektorlary Erjan Ońbaev pen Konstantın Penkov bul týraly kezekshi bólimge habarlady. Olar jarqyldaýyq maıaktary men sırenasyn qosyp, aýyldyqtar mingen kóliktiń aldyna tústi. Jarty saǵat ishinde aıaǵy aýyr áıel medıtsına qyzmetkerlerine tabystaldy. 

– Jigitterge raqmet. Olarǵa myqty densaýlyq jáne sáttilik tileımin. Adamdarǵa der kezinde kómekke keletin osyndaı qyzmetkerler jol ústinde júrse, ózimizdi qaýipsiz sezinemiz, - dedi Azamat.