SQO-da polıtsııa pýnkteri men ýchaske ınspektorynyń úıi japsarlastyra salynyp jatyr

PETROPAVL. QazAqparat – Soltústik Qazaqstan oblysynyń Shal aqyn aýdanynda birqabatty jańa nysan boı kóterdi. Onyń bir jaǵynda polıtsııa pýnkti ornalassa, ekinshi basynda ýchaskelik polıtsııa qyzmetkeri otbasymen birge turatyn bolady, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, ýchaskelik polıtsııa pýnkti keńsesi men ınspektordyń otbasyna arnalǵan qyzmettik turǵyn úıi bar nysan Shal aqyn aýdany Gorodetskoe aýylynda paıdalanýǵa berildi. Bul – óńirdegi osyndaı altynshy pýnkt.

Nysannyń jalpy aýmaǵy 100 sharshy metrden asady.

Gorodetskoe – aýyl okrýginiń ortalyǵy. Quramyna Jaltyr, Mergen, Baǵanaty, Konovalovka aýyldary kiredi.

2021 jyldyń qarasha aıynan bastap osy okrýgke ýchaskelik polıtsııa ınspektorynyń kómekshisi Rýstam Nurǵalıev qyzmet kórsetedi.

Ýchaskelik polıtsııa ınspektorynyń jubaıy men eki kishkentaı balasy bar.

Saltanatty sharaǵa qatysqan oblystyq polıtsııa bastyǵy Aıdyn Qabduldınov tártip saqshysyna birqatar mindet júktedi. Atap aıtqanda, qoǵamdyq jáne jol qaýipsizdigin qamtamasyz etý, quqyqtyq tártipti nyǵaıtý, aýyl turǵyndarynyń barlyq ótinish-tilegine jaýap bere otyryp, qyzmetti adal atqarý qajettigi aıtyldy.

Aýdan ákimi Rahat Smaǵulov úıdi salýǵa qol ushyn bergen jergilikti turǵyndardy, merdigerlerdi atap ótti. Aýyldyń birqatar turǵyny, sondaı-aq Shal aqyn aýdany polıtsııa bóliminiń qyzmetkerleri aýdan ákiminiń jáne polıtsııa departamentiniń gramotalarymen marapattaldy.

Aıta keteıik, 2021 jyldan bastap Petropavl qalasynda, sondaı-aq Mamlıýt jáne Ýálıhanov aýdandarynda jergilikti atqarýshy organdardyń, kásipkerlerdiń qoldaýymen turǵyn úımen biriktirilgen 6 ýchaskelik polıtsııa pýnkti salynyp, paıdalanýǵa berildi. Jaqynda oblystyń birqatar aýdanynda osyndaı qyzmettik úılerdi paıdalanýǵa berý josparlanǵan.