SQO-da polıtseıler jol apatynan zaqymdanǵan kólikti avtotrassada alyp júrmek

PETROPAVL. QazAqparat – Soltústik Qazaqstan oblysynda polıtseıler jol apatynda aıtarlyqtaı zaqymdanǵan kólikti kólik júrgizýshilerine kórsetpek. Profılaktıkalyq jumys úsh kúnge shaqtalǵan, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, jol apatynan zaqymdanǵan Toyota kórneki qural bolmaq. Polıtseıler metal synyǵyna aınalǵan mashınany evakýatorǵa salyp, kólik aǵyny joǵary avtotrassalarda alyp júrmek. Kólik borttaryna eki tilde «Jol qatelikti keshirmeıdi» degen jazýy bar bannerler ornalastyryldy. Bul – avtokólik júrgizýshileriniń nazaryn aýdarý úshin qarapaıym, emotsıonaldy áser etýshi qural. Úsh kún ishinde polıtseıler ony júrgizýshilerge jol qozǵalysy erejelerin elemeý qandaı saldarǵa ákeletinin eske salý úshin ony oblystyń barlyq jolymen alyp júredi.

Alty aı ishinde SQO-da 127 jol-kólik oqıǵasy tirkeldi. Onyń ishinde respýblıkalyq mańyzy bar joldarda 28 apat bolyp, 11 adam qaza tapty, 64 adam jaraqat aldy. Polıtseılerdiń aıtýynsha, negizgi sebepterdiń qatarynda jyldamdyq rejımin arttyrý jáne manevr jasaý erejelerin buzý, qaýipsiz qashyqtyqty saqtamaý, qarsy qozǵalys jolaǵyna shyǵý bar.

«Jazda avtotrassalarda kólik sany artady. Sol sebepti profılaktıkalyq jumys kúsheıtildi. 1 shildeden bastap jazdyń sońyna deıin «Avtomobıl» respýblıkalyq jedel-profılaktıkalyq is-sharasy jáne «Rýlde uıyqtaý» respýblıkalyq aktsııasy ótip jatyr. Sonymen qatar 24 shildeden bastap aıdyń sońyna deıin «Qaýipsiz jol» oblystyq jedel-aldyn alý is-sharasy ótedi. Maqsaty – qozǵalysqa qatysýshylardyń tártibin arttyrý, jol apatyn azaıtý», – deıdi SQO PD patrýldik polıtsııa batalonynyń komandıri Ýálıhan Orazalın.