SQO-da polıtseıler naýryz meıramy qarsańynda sport túrlerinen jarysty

PETROPAVL. QazAqparat – Soltústik Qazaqstan oblysynda Naýryz meıramy qarsańynda soltústikqazaqstandyq polıtseıler jáne «Dınamo» dene shynyqtyrý-sport qoǵamynyń ókilderi birden sporttyń birneshe túrleri boıynsha saıys ótkizdi, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, ústel tennısinen jarysqa ishki ister organdarynyń ardagerleri qatysty. Otstavkadaǵy ofıtserler dene shymyrlyǵyn, jeńiske degen jigerlerin kórsetti. Jarys nátıjesi boıynsha jeńimpazdar estelik syılyqtar aldy.

SQO Polıtsııa departamenti jáne Ulttyq ulan Ardagerler keńesiniń tóraǵasy Aqan Syzdyqov SQO polıtsııa departamentine Naýryz meıramy qarsańynda osyndaı sporttyk is-sharanyń uıymdastyrylǵanyna alǵysyn bildirdi, sondaı-aq saıys ardagerlerge kóterińki kóńil-kúı syılap, sergýge múmkindik bergeni týraly atap ótti.

«Toǵyzqumalaq» ulttyq oıyny boıynsha jarystar da qyzyqty ótti. Saıysqa oblystyq jáne qalalyq polıtsııa bólinisteriniń 40-tan astam qyzmetkeri qatysty. Balalyq shaqtan tanys bul ústel oıyny logıkany, tapqyrlyqty, júırik oılaýdy jáne shydamdylyqty damytady. Nátıjesinde, «toǵyzqumalaq» saıysy boıynsha júldeli úshinshi oryndy ıývenaldyq polıtsııa bólimshesiniń ınspektory Sabına Ábdirahmanova ıelendi. Ekinshi oryndy qabyldap-taratý ornynyń bastyǵy Adaı Smaıyl alsa, birinshi oryndy jedel basqarý ortalyǵynyń operatory Ulpan Danıarova enshiledi.

Ulttyq oıyndar boıynsha týrnır de polıtsııa departamenti arnaıy jáne jumyldyrý daıarlyǵy basqarmasymen jáne «Dınamo» DShSQ ókilderimen birlese uıymdastyryldy. Sondaı-aq, «arqan tartý» boıynsha joldastyq kezdesý áserli ótti.