SQO-da Parlament Senatynyń depýtattyǵyna 5 kandıdat bar

PETROPAVL. QazAqparat – Parlament Senaty depýtattyǵyna Soltústik Qazaqstan oblysynan bir depýtat saılanady. Óńirden 5 adam ózin-ózi usyný tártibimen kandıdatýrasyn bekitken, dep habarlaıdy QazAqparat tilshisi.

SQO saılaý komıssııasynyń málimetinshe, úmitkerlerdiń 2-eýi er jáne 3 áıel adam. Olar:

1. Jaqsylyq Tóleýuly Esdáýletov, 1977 jyly týǵan, «Soltústik» áleýmettik-kásipkerlik korporatsııasy» AQ basqarma tóraǵasy, «AMANAT» partııasynyń múshesi;

2. Arman Saǵatuly Berdaǵulov, 1985 jyly týǵan, Petropavl qalalyq máslıhatynyń hatshysy, «AMANAT» partııasynyń múshesi;

3. Laýra Sovetqyzy Qaıyrjanova, 1969 jyly týǵan, «Qazaqstan Respýblıkasy Prezıdentiniń janyndaǵy Memlekettik basqarý akademııasy» memlekettik kásipornynyń Soltústik Qazaqstan oblysy boıynsha fılıalynyń dırektory, «AMANAT» partııasynyń múshesi;

4. Dangole Antonasovna Mogýnova, 1962 jyly týǵan, Mamlıýt aýdandyq saılaý komıssııasynyń tóraǵasy, «AMANAT» partııasynyń múshesi;

5. Gúlmıra Raınbekqyzy Kárimova, 1977 jyly týǵan, Qazaqstan Respýblıkasy Bilim mınıstrligi Orta bilim komıtetiniń tóraǵasy, «AMANAT» partııasynyń múshesi.

Úmitkerlerdiń ortasha jasy - 48 jasta, olardyń eń kishisi - 37 jasta, eń úlkeni - 60 jasta.

Mamandyǵy boıynsha: 2 kandıdat – oqytýshy, 2-ýi – ekonomıst, 1-ýi áleýmettik jumyspen aınalysady.

Úmitkerlerdiń 1-eýi kommertsııalyq qurylym ókili, 1-eýi máslıhat hatshysy, 3-eýi memlekettik mekeme qyzmetkerleri.