SQO-da pán olımpıadasynyń úshinshi kezeńine 500-den astam oqýshy qatyspaq
Oqýshylardyń respýblıkalyq olımpıadasy daryndy balalardy anyqtaý jáne damytý, oqýshylardyń ǵylymı bilimge qyzyǵýshylyǵyn arttyrýdy maqsat etken. Dástúrli is-sharanyń buǵan deıin aýdandyq, qalalyq kezeńderi ótip, jeńimpazdar úshinshi kezeńge joldama aldy.
«Respýblıkalyq olımpıadanyń úshinshi kezeńi dástúrli formatta ótedi. Ár aýdanda jáne qala boıynsha tirek mektepter bekitildi. Petropavlda «BEST» mektep-gımnazııasynda, 1 qalalyq It-lıtseıde, LORD lıtseıinde jáne Ábý Dosmuhanbetov atyndaǵy gımnazııada ótedi. Kóp adamdy bir ýaqytta jınamas úshin is-shara 22-26 aqpan aralyǵynda ótedi», - deıdi SQO bilim basqarmasynyń basshysy Gúlmıra Kárimova.
Bul joly 9-11 klastardyń 528 oqýshysy 16 jalpy bilimdik pánder boıynsha synǵa túsedi.
«Bıyl alǵash ret ózin ózi taný páninen de olımpıada ótkizilip jatyr. Taǵy bir ereksheligi – balalar tapsyrmany ózderi «Daryn» respýblıkalyq ǵylymı-tájirıbelik ortalyqtan kompıýter jáne ınternet arqyly júktep alady. Olımpıada taza ótýi úshin baqylaý júrgiziledi jáne qazylar jumysty qashyqtan tekseredi. Sol úshin arnaıy shtab qurylǵan. Olımpıada nátıjesin «Bilim salasyndaǵy ádistemelik jumys jáne aqparattyq tehnologııalar ortalyǵynyń» saıtynan kórýge bolady. Appelıatsııa kelesi kúni ZOOM arqyly onlaın formatta júrgiziledi», - deıdi Gúlmıra Kárimova.