SQO-da óz betimen ıelenip alǵan jerlerdi anyqtaý joldary qarastyryldy

PETROPAVL. QazAqparat - Soltústik Qazaqstan oblysy kásipkerleriniń óńirlik keńesinde «Qalakadastr» jobasyn ázirleý máseleleri talqylandy, dep habarlaıdy QazAqparat tilshisi.

Memlekettik qyzmet isteri jáne sybaılas jemqorlyqqa qarsy is-qımyl departamenti baspasóz qyzmetiniń málimdeýinshe, joba tartylǵan jelilerdiń, magıstraldyq jelilerdiń ıelerin, tipti bos jatqan ýchaskelerdi óz betimen ıelenip alǵandardy da anyqtaýǵa múmkindik beredi.

Kartanyń ázirlenýi 2019 jyly aıaqtalady.

Óńirlik kásipkerler keńesine QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Oljas Bektenov qatysty. Onyń aıtýynsha, joba barlyq memlekettik salalardaǵy sybaılas jemqorlyqtardy azaıtýǵa múmkindik beredi.

«Otyrysta kásipkerler palatasy men memlekettik qyzmet isteri departamentiniń ózara yqpaldastyq máseleleri qaralyp, memlekettik satyp alýlar salasyndaǵy túıtkilder talqylandy», - deıdi baspasóz qyzmetiniń ókilderi.

Avtor: Olesıa Jýkoven