SQO-da otbasylyq bıýdjettiń eń úlken bóligi azyq-túlikke ketedi

PETROPAVL. QazAqparat – Soltústik Qazaqstan oblysynda ulttyq statıstıka bıýrosynyń departamenti óńir turǵyndarynyń otbasylyq bıýdjetti qalaı jumsaıtynyn eseptedi, dep habarlaıdy QazAqparat tilshisi.

Ulttyq statıstıka bıýrosy SQO departamentiniń málimetinshe, óńirde bir adamǵa shaqqandaǵy aı saıynǵy aqshalaı shyǵys 94 myń teńgeni quraǵan. Bul - úshinshi toqsannyń qorytyndysy.

Bir jyl ishinde SQO turǵyndarynyń shyǵyny 13 % ósti. Al jalpy shyǵynnyń 90 % - tutyný shyǵyny.

Materıaldyq kómek, alıment, nesıe men qaryzdy óteý, salyq - aqshalaı shyǵyndardyń 10 % ǵana quraıdy.

Otbasylyq bıýdjettiń eń úlken bóligi, 44 % - azyq-túlik shyǵyndary. Taǵy úshten biri azyq-túlik emes taýarlarǵa jáne 13 % - qyzmet aqysyna ketedi.

Azyq-túlik ónimderine jumsalatyn shyǵystardyń shamamen 30 % - et jáne et ónimderin satyp alýǵa, 16,5 % - nan jáne jarma ónimderine ketedi.

Azyq-túlik emes taýarlardyń shamamen 22 % kıim men aıaq kıim satyp alýǵa jumsalady. Qala turǵyndary men aýyl turǵyndary bul úshin birdeı qarajat jumsaıdy eken.

Aqyly qyzmetterde qarajattyń úshten biri turǵyn úı-kommýnaldyq qyzmetterge, turǵyn úıdi kútip-ustaýǵa, 35 % astamy kólik jáne baılanys qyzmetterine, al 5 % sál astamy bilim alýǵa jumsalady.

Mádenı is-sharalarǵa jáne bos ýaqytty uıymdastyrýǵa ketetin shyǵyndar az. Qala turǵyndary aqyly qyzmetterge aýyl turǵyndaryna qaraǵanda eki ese kóp aqsha jumsaıdy.