SQO-da otbasy shyrqyn buzǵan 600-den astam adam anyqtaldy
SQO polıtsııa departamenti baspasóz qyzmetiniń málimetinshe, elimizde «Zorlyq-zombylyqsyz 16 kún» respýblıkalyq aktsııasy ótip jatyr. Óńir polıtseıleri kóshelerde, sondaı-aq iri saýda jáne oıyn-saýyq ortalyqtarynda turǵyndarǵa aq lentalar, balalardyń sýretteri men býkletter taratty. Oblystyq jáne qalalyq polıtsııanyń áıelderdi zorlyq-zombylyqtan qorǵaý jónindegi bólinis qyzmetkerleri osylaısha petropavldyqtarǵa otbasynda zorlyq-zombylyq faktileri bolǵan jaǵdaıda jasyrmaýdy erekshe formatta túsindirdi.
Bul aktsııa «Zorlyq-zombylyqsyz 16 kún» ataýymen alǵash ret 30 jyl buryn Kanadada ótkizilgen. Áıelderge qatysty erlerdiń zorlyq kórsetýlerin toqtatý maqsatynda, myńdaǵan kanadalyqtar qoldaryna aq matadan lenta baılap shyqqan. Sodan beri bul aktsııa jylda álem elderinde atap ótiledi.
SQO PD bastyǵynyń birinshi orynbasary Qanat Aıtbaevtyń aıtýynsha, jyl saıyn uıymdastyrylatyn «Zorlyq-zombylyqsyz 16 kún» respýblıkalyq aktsııasy 25 qarashadan 10 jeltoqsanǵa deıin ótkiziledi. Basty maqsat – otbasyndaǵy problemalarǵa shydaýǵa bolmaıtynyn, kómek surap, keńes alý úshin polıtseılerge, «Áıelderdi qoldaý ortalyǵy» qoǵamdyq birlestigine, psıhologtarǵa júginý qajettiligin halyqqa jetkizý.
SQO PD Jergilikti polıtsııa qyzmeti basqarmasynyń málimetinshe, jyl basynan otbasy shyrqyn buzǵan 2391 adam ákimshilik jaýapkershilikke tartyldy. Onyń ishinde 617-si ákimshilik qamaýǵa alynǵan. Otbasylyq janjalqoılarǵa qatysty eki myńnan asa qorǵaý uıǵarymdary shyǵarylyp, 166-y jaýapqa tartyldy.
Eger turmystyq zorlyq-zombylyq qurbanyna aınalsańyz turǵylyqty mekenjaı boıynsha polıtsııa bólimine shuǵyl túrde júginýge nemese «102» arnasyna qońyraý shalýǵa bolady. Oblys ortalyǵynyń turǵyndary: 8 (7152) 39-48-56; 61-25-30 telefondary arqyly nemese App Store jáne Google Play arqyly júktep, ІІM-niń «102» resmı qosymshasyn paıdalana alady. Sonymen qatar, Petropavl qalasy polıtsııa basqarmasynda turmystyq zorlyq-zombylyqtan qorǵaý máselelerine arnalǵan «Mejdý namı govorıa» @t.me/mejdunamigovory Telegram-kanaly jumys isteıdi.