SQO-da otbasynyń shyrqyn buzǵan 500-ge jýyq adam qamaldy

<p>PETROPAVL. KAZINFORM &ndash; Soltústik Qazaqstan oblysynda otbasynyń shyrqyn buzǵan 470 janjalqoı jyl basynan beri 5-10 táýlikke qamaýǵa alyndy. Qazir óńirde &laquo;Ýchaske&raquo; jedel aldyn alý is-sharasy ótip jatyr.</p>

SQO polıtsııa departamenti baspasóz qyzmetiniń málimetinshe, otbasylyq janjaldar kóbinese demalys kúnderi, ishimdik ishý kezinde bolady. Petropavlda jeksenbi kúni keshkisin «102» arnasyna oblys ortalyǵynyń jataqhanalarynyń birinen qala turǵyny kúıeýine shaǵymdandy.

Janjal ishimdik ishý barysynda týyndaǵan. Áıel oqıǵa ornyna kelgen polıtsııa qyzmetkerlerine aryz jazýdan bas tartty. Tártip saqshylary mudaı jaǵdaıǵa jıi tap bolady. Buryn aryz bolmaǵan jaǵdaıda quqyqbuzýshy jazasyz qalyp, ýaqyt óte kele qol jumsaýǵa deıin baratyn.

Endi otbasylyq turmys salasyndaǵy quqyq buzýshylyqtardy tirkeýdiń anyqtaýshy sıpatyna kóshti. Sondyqtan er adamnyń minez-qulqy ony oqshaýlaýǵa negiz boldy. Buryn esirtkini paıdalanǵany úshin sottalǵan quqyq buzýshy 5 táýlik ákimshilik qamaýǵa alynady.

«Oblys boıynsha 10 aı ishinde 470 adam otbasylyq janjal úshin 5 táýlikten 10 táýlikke deıin qamaýǵa alyndy.

Turmystyq zorlyq-zombylyq faktilerin anyqtaý jáne jolyn kesý boıynsha jumystar 16 qyrkúıekte bastalǵan «Ýchaske» jedel aldyn alý is-sharasy aıasynda júrgizilip jatyr. Osy ýaqyt ishinde SQO-da 236 zań buzýshylyq tirkelip, qorǵaý uıǵarymdaryn buzýdyń 26 faktisi anyqtaldy. Otbasynda quqyq buzýshylyqqa jol bergen 4 myńǵa jýyq adam tekserildi», - deıdi jergilikti polıtsııa qyzmeti basqarmasynyń bastyǵy Álibek Ǵabdýllın.

Buǵan deıin SQO-da jol-kólik apatynda jasqa tolmaǵan náresteniń mert bolǵanyn jazǵan edik.