SQO-da ortasha eńbekaqy qansha?

<p>Soltústik Qazaqstan oblysynda qyzmetkerlerdiń 1,8% 70 myń teńgege deıin eńbekaqy alady. Statıstıka qyzmeti sáýir aıynda júrgizilgen jalpymemlekettik statıstıkalyq eseptiń qorytyndysyn shyǵardy, dep habarlaıdy Kazinform.</p>

Ulttyq statıstıka bıýrosynyń SQO boıynsha departamentiniń málimetinshe, qyzmetkerlerdiń jalaqysynyń qurylymyn zertteý barlyq iri kásiporyndar men uıymdarda jáne irikteý boıynsha orta jáne kishi kásiporyndar men uıymdarda júzege asyryldy.

2023 jylǵy sáýirde tolyq jumys istegen qyzmetkerler sany 100,2 myń adamdy qurady. Onyń ishinde erler - 47,3 myń adam - 47,2%, áıelder – 52,9 myń adam - 52,8% qurady. Ortasha aılyq eńbekaqy osy kezeńde 228 myń teńge shamasynda boldy.

70 myń teńgege deıin ortasha aılyq jalaqyny 1,8% qyzmetker aldy, árbir ekinshi qyzmetker 70 myńnan 200 myń teńgege deıin jalaqy aldy.

Basshylardyń eńbekaqysy 350 myń teńge, kásibı mamandardyki 279 myń teńge, tehnık mamandar jáne basqa da kásibı kómekshi personal – 231 myń teńge; ákimshilendirý salasyndaǵy qyzmetshiler – 163 myń teńge; kórsetiletin qyzmetter jáne saýda-sattyq salasynyń qyzmetkerleri – 132 myń teńge; fermerler jáne aýyl men orman sharýashylyǵynyń, balyq sharýashylyǵynyń jáne balyq aýlaý jumysshylary – 189 myń teńge; ónerkásip, qurylys, kólik jáne basqa tektes qyzmetterdiń jumysshylary – 199 myń teńge; óndiristik jabdyq operatorlary, qurastyrýshylar jáne júrgizýshiler – 200 myń; biliktiligi joq jumysshylar – 106 myń teńge alǵan.

Orta bilimi bar qyzmetkerler jalaqysy – 173 myń teńge, joǵarǵy bilimmen – 302 myń teńge, joǵary oqý ornynan keıingi bilimmen – 391 myń teńgeni qurady.