SQO-da onshaqty qoı kólik astyna túsip qyryldy

<p>PETROPAVL. KAZINFORM&nbsp;&mdash; Soltústik Qazaqstan oblysy &laquo;Jezqazǵan-Petropavl&raquo; avtojolynda kólik júrgizýshisi abaısyzda jolǵa shyǵyp ketken qoılardy qaǵyp ketti. Baǵýsyz júrgen maldyń segizi óldi.</p>

SQO polıtsııa departamenti baspasóz qyzmetiniń málimetinshe, oqıǵa Qyzyljar aýdanynyń Semıpalatnoe jáne Rassvet aýyldary arasynda tańǵy ýaqytta bolǵan.

Toyota avtokóliginiń júrgizýshisi jolǵa kenetten shyqqan qoılardy kesh baıqaǵan.

Kólik júrgizýshisi — bir aýdannyń turǵyny aman, al mashınaǵa mehanıkalyq zaqym keldi.

«Maldy bos jibergen turǵynǵa úı janýarlaryn baǵý erejesin buzǵany úshin hattama toltyryldy. Qańǵyrǵan mal qaýip týdyratynyn eske salamyz. Erkin jaıylýyna jibermeýlerińizdi suraımyz. Aýdandyq polıtsııa bólimi qyzmetkerleri mundaı oqıǵalardyń aldyn alýúshin turǵyndarmen jıi kezdesýler ótkizedi», — deıdi Qyzyljar aýdandyq polıtsııa bóliminiń bastyǵy Álıhan Baıqadamov.

SQO-da jyl basynan beri mal jaıý erejesin buzýdyń 1204 deregi tirkeldi.

Buǵan deıin SQO-da qonys kolonııadan qashqan adam izdestirilip jatqanyn aıtqan edik.