SQO-da ónerkásip salasynda jumysshylar jetispeıdi
SQO statıstıka departamentiniń málimetinshe, mamandar iri jáne orta kásiporyndardaǵy kadrlar qajettiligi týraly esep júrgizdi.
Kadrlarǵa qajettilik jáne sany boıynsha statıstıkalyq aqparat qarjy jáne saqtandyrý qyzmetinen, memlekettik basqarý jáne qorǵanystan, mindetti áleýmettik qamtamasyz etýden, ózge de qyzmet túrlerin usynatyn mekemelerden, ekonomıkalyq qyzmettiń barlyq túrlerin júzege asyratyn iri jáne orta kásiporyndar men uıymdardan alyndy.
Mamandardyń aıtýynsha, 2019 jyldyń 1 qańtaryna deıin zerttelgen kásiporyndardaǵy qyzmetkerlerdiń sany - 65,7 myń adam, bos jumys oryndar sany - 1, 04 myń. Eseptik kezeńde qyzmetkerler qajettiligi 462 adamdy qurady. Qyzmetkerlerdiń tizimdik sanyndaǵy bos jumys oryndar úlesi 1,6%-dy qurady.
«Bos oryndardyń basym kópshiligi «kásibı mamandar» kásipkerlik qyzmet toby boıynsha belgilendi - 332 adam qajet bolsa, bul - 28,1%. «Ónerkásip, qurylys, kólik jáne basqa tektes qyzmetterdiń jumysshylary» kásiptik toby boıynsha bos oryndar sany - 192, «ákimshilendirý salasyndaǵy qyzmetshiler» - 118», - deıdi statıster.
Al, ekonomıkalyq qyzmet túrleri tobynda, mamandardyń esebinshe, eń kóp bos jumys oryndary ónerkásip salasynda tirkelgen - 351. Al qurylys salasyna nebári bir jumysshyǵa ǵana suranys bolǵan. Qoǵamdyq tamaqtandyrý jáne jyljymaıtyn múlikpen jasalatyn operatsııalar salalarynda bos jumys oryndary joq.