SQO-da «Nur otan»-nyń saılaýaldy ýádeleriniń oryndalýyn qoǵamdyq keńester baqylaıdy
«Nur Otan» partııasy SQO fılıaly Saıası keńes Bıýrosynyń otyrysynda Soltústik Qazaqstan oblysy boıynsha saılaýaldy baǵdarlamasynyń baǵyttaryn iske asyrý jónindegi óńirlik qoǵamdyq keńesterdiń tóraǵalary men quramy bekitildi.
Partııanyń baspasóz qyzmetiniń málimetinshe, 12 óńirlik keńestiń quramyna máslıhat depýtattary, partııa jaqtastary, belsendiler, sarapshylar, blogerler, qoǵamdyq birlestikter men BAQ ókilderi kirdi. Budan basqa, Petropavlda jáne oblystyń 13 aýdanynda 141 aýmaqtyq keńes quryldy. Jalpy, keńes quramyna 800-den astam adam kirgen.
Olar saılaýaldy baǵdarlamanyń óńirlik damý, ekologııa, agrarlyq sektor, ekonomıka jáne kásipkerlikti qoldaý, Ult densaýlyǵy, bilim jáne ǵylym, jumyspen qamtý, áleýmettik osal toptardy qoldaý, mádenıet, otbasy, áıelder jáne balalardyń quqyqtaryn qorǵaý máseleleri, jastardy qoldaý baǵyttary boıynsha iske asyrylýyn baqylaýmen aınalysady.
«Nur Otan» partııasy óńirlik fılıalynyń tóraǵasy, SQO ákimi Qumar Aqsaqalovtyń aıtýynsha, keńesterdiń jumysy qoǵamdyq pikirdi eskere otyryp, ashyq formatta qurylǵan. ıAǵnı keńester ótkir áleýmettik máseleler men kez-kelgen azamattyq bastamalardy jarııa talqylaý úshin ashyq.
«Jyl sońyna qaraı memlekettik organdardyń basshylary saılaýaldy baǵdarlamany qalaı iske asyrǵany týraly baıandaıdy. Sondyqtan barlyq keńester jyl boıy bul máseleni qatań baqylaýy kerek. Bizde 2021-2025 jyldarǵa arnalǵan keshendi jospar bar, onyń aıasynda sút fermalary, bordaqylaý alańdary, qus fabrıkalary salynady, eldi mekenderde mektepter, medıtsınalyq nysandar qaıta qurylady, kentishilik joldar men sý jelilerin jóndeý jalǵasady. 5 jyl ishinde 2 mln sharshy metrden astam turǵyn úı salynady, kópbeıindi aýrýhananyń qurylysy jalǵasady. Óńirde Nazarbayev University qaǵıdaty boıynsha jumys isteıtin jańa joǵary oqý orny, 3 myń oryndyq úlken sport kesheni salynady. Keńes músheleriniń jumysy kóp, sondyqtan tıisti baqylaýdy qamtamasyz etý qajet», - dedi Qumar Aqsaqalov.
Bıýro otyrysynda partııanyń aımaqtyq jáne aýmaqtyq fılıaldarynyń esep berý-saılaý konferentsııalaryn ótkizý kestesi bekitildi. Oblystyq konferentsııa 13 mamyrda, aýmaqtyq konferentsııalar 23-30 sáýir aralyǵynda ótpek.