SQO-da múgedek balalardan zańsyz 6,6 mln teńge jeke tabys salyǵy ustalǵan

<p>ASTANA. KAZINFORM - Halyqtyń áleýmettik osal toptarynyń quqyqtaryn qorǵaý boıynsha qadaǵalaý jumystary sheńberinde jeke tabys salyǵyn jáne basqa da tólemderdi negizsiz ustap qalý túrinde óreskel buzýshylyqtar anyqtaldy.</p>

Bul týraly Soltústik Qazaqstan oblysynyń prokýratýrasynan málim boldy.

Mamlıýt, Shal aqyn, Taıynsha aýdandarynda jumys berýshiler «Salyq jáne bıýdjetke tólenetin basqa da mindetti tólemder týraly» Kodekstiń (budan ári - Kodeks) 2022-2023 jyldar boıynsha 346-babyn buza otyra múgedek balalardyń 74 zańdy ókilderinen jalpy somasy 6,6 mln teńge jeke tabys salyǵy ustalǵan, al shyn máninde sońǵysy olardy tóleýden bosatylǵan.

Aqjar aýdanynda 19 múgedekke qatysty Kodeks talaptaryna qaıshy kólik salyǵy men memlekettik baj salyǵy zańsyz ustalǵan.

Prokýrorlyq qadaǵalaý aktileri boıynsha memlekettik kiris organdary joǵaryda atalǵan tulǵalarǵa 2,3 mln teńgeni qaıtarýdy qamtamasyz etti, qalǵan soma boıynsha jumys jalǵasýda.

Halyqtyń áleýmettik osal toptarynyń quqyqtaryn qorǵaý suraǵy prokýratýranyń erekshe baqylaýynda.