SQO-da móńke balyǵynyń neden qyrylǵany belgili boldy
21:40, 05 Maýsym 2020
PETROPAVL. QazAqparat – Soltústik Qazaqstan oblysynda ekologter Pıtnoe kólindegi móńke balyǵynyń neden qyrylǵanyn anyqtady, dep habarlaıdy QazAqparat tilshisi.
SQO ekologııa departamenti baspasóz qyzmetiniń málimetinshe, balyq kól túbinen kúkirtsýtektiń kóp mólsherde bólinýinen ólgen.
«1 maýsym kúni Pıtnoe kólinde balyqtyń qyrylýyna baılanysty vedomstvoaralyq toptyń otyrysy ótti. Májilis hattamasyna saı móńke balyǵy gazdyń bólinýine baılanysty qyryldy», - delingen baspasóz habarlamasynda.
Mamyr aıynda M.Jumabaev aýdanyndaǵy Pıtnoe kólinde balyqtyń jappaı qyrylǵany habarlandy. Ekologter sýdan synama alǵan bolatyn.