SQO-da «Men patrıotpyn» marafonynda 20 myń adam júgirdi
«Men patrıotpyn» marafonyn júgirip ótýge Petropavl qalasynda 1,5 myń adam shyqty. Olardyń arasynda mektep oqýshylary, stýdentter, kásibı sportshylar, tipti jasy 60-70-ten asqan qarııalar da bar. Marafonshylar Ortalyq alańnan bastap birneshe kósheni júgirip ótti. Marafonnyń uzyndyǵy - 2 shaqyrym 400 metr.
Petropavl qalasynyń turǵyny Sergeı Kıselev bıyl 60 jasta. Salaýatty ómir saltyn ustanatyn qarııa qalalyq marafondarǵa 12 jasynan bastap qatysyp keledi.
«Mundaı buqaralyq sport saıystaryn jıi uıymdastyrǵan jón. Bul halyqty biriktiredi. Ári densaýlyqqa paıdaly. Jalpy meniń ómirlik ustanymym «Qozǵalys - ómir negizi». Adam sportpen shuǵyldanbasa, qozǵalmasa, densaýlyǵy nasharlaı bastaıdy. Sondyqtan barlyǵyn osyndaı sharalarǵa jıi qatysýǵa shaqyramyn», - deıdi Petropavl qalasynyń turǵyny Sergeı Kıselev.
«Men patrıotpyn» marafony oblystaǵy barlyq aýdandarda da ótkizildi.
«Búgingi merekege oraı «Men patrıotpyn» atty oblystyq aktsııa uıymdastyryldy. Óńirimizdegi aýdandardy qosqanda shamamen 20 myńǵa jýyq turǵyn marafonǵa qatysty. Marafonnyń osylaı atalýynyń máni bar. Óıtkeni naǵyz patrıottar, jeńimpazdar Qazaqstannyń týyn asqaqtatyp, álemdik arenada bıikke kóteredi, ánuranymyz oınaıdy», - deıdi oblystyq Dene shynyqtyrý jáne sport basqarmasynyń basshysy Rýslan Esenalın.
Qashyqtyqty birinshi baǵyndyrǵandar sertıfıkattarmen, baǵaly syılyqtarmen marapattaldy.