SQO-da memqyzmetshilerdiń sany 15 paıyzǵa qysqartylmaq
SQO óńirlik kommýnıkatsııalar qyzmetinde Memlekettik qyzmet isteri agenttiginiń SQO boıynsha departamentiniń basshysy Elena Stepanenko vedomstvo jumysynyń 9 aıyn qorytyndylady. Onyń aıtýynsha, qazirgi ýaqytta óńirde 4 myńǵa jýyq memlekettik qyzmetshi bar.
«Memleket basshysy alǵa qoıǵan mindetterdiń biri – memlekettik apparatty kezeń-kezeńmen ońtaılandyrý. Sanyn azaıtý arqyly utqyrlyqty arttyryp, úderisterdi ońtaılandyrýǵa qol jetkizilmek. Eńbekaqy tóleýdiń jańa júıesin iske asyrylady. 1 shildeden bastap jergilikti memlekettik organdar memlekettik qyzetshileriniń eńbekaqysy ósti. Osylaısha ortalyq pen óńirler arasyndaǵy eńbekaqy alshaqtyǵyn 70 %-ǵa qysqartý múmkin boldy. Jańa júıede laýazym deńgeıi ǵana emes, sondaı-aq fýnktsıonaldyq mindetterdi atqarý kúrdeliligi, tıisti quzyretteriniń bolýy eskeriledi. Sondaı-aq qyzmetkerdiń ókilettigi jáne jaýapkershiligi de esepke alynǵan», - deıdi Elena Stepanenko.
Qabyldanǵan is-sharalar bilikti kadrlardy tartýǵa jáne memlekettik qyzmetshilerdiń mártebesin arttyrýǵa kómektespek.
«Jyl sońyna deıin 15 % memlekettik qyzmetshini qysqartý mindeti tur. Ońtaılandyrý negizinen qazirgi ýaqytta bos turǵan laýazymdar esebinen júrgiziledi. Búgingi tańda 700 memlekettik qyzmetshiniń orny bos. Eń aldymen burynnan bos oryndar qysqartýǵa ketedi. Osylaısha qazir jumys istep júrgenderdiń az ǵana bóligin yqshamdaımyz. Memlekettik organdarǵa osyǵan qatysty birneshe usynys berildi. ıAǵnı qysqartýǵa ilikkenderdi jumyspen qamtý, áleýmettik az qamtylǵan sanatqa jatatyn qyzmetshilerdi qorǵaý. Eńbek kodeksine baılanysty júkti áıelder, 3 jasqa deıingi balalary barlar, jalǵyzbasty analar, zeınetaqyǵa 2 jyl qalǵandar qysqartylmaıdy. Biz zańnyń oryndalýyn baqylaýǵa aldyq. Al qysqartýǵa ilikenderdiń memlekettik qyzmette 3 jyl eńbek ótili bolǵan jaǵdaıda ótemaqy alady», - deıdi departament basshysy.
Memlekettik apparatty ońtaılandyrý byltyr bastaldy. Oblys deńgeıinde 8 basqarma qaıta qurylsa, aýdandarda 33 bólim yqshamdaýdan ótti. Jalpy, qańtar aıynan bastap memlekettik qyzmetke konkýrs arqyly 443 adam alynsa, olardyń 34 %-y – 30 jasqa deıingi jastar. Sondaı-aq memlekettik qyzmetshiler arasynda test tapsyrýǵa úmitkerler sany 35 %-ǵa artyp otyr.