SQO-da mektep oqýshysy synyptasyna pyshaq suǵyp aldy
SQO densaýlyq saqtaý basqarmasynyń málimetinshe, búgin Tımırıazev aýdandyq aýrýhanasyna pyshaq jaraqatymen 2009 jylǵy jasóspirim tústi.
«Oń jaq ıyǵynan jaraqat alǵan. Qazir aýdandyq aýrýhanada jatyr. Jarasyn tikti. Qazir jaǵdaıy turaqty», - dedi baspasóz hatshysy Gúlnar Qalıeva.
Oblystyq polıtsııa departamenti baspasóz qyzmeti málim etkendeı, osy qylmysqa qatysy bar kúdikti anyqtaldy.
Qajetti tergeý áreketteri júrgizilgennen keıin ata-anasynyń kepilgerligimen bosatyldy. Osy fakti boıynsha qylmystyq is qozǵaldy. Tergeý júrgizilip jatyr.
«Quqyq buzýshynyń jasyn eskere otyryp, polıtsııa qyzmetkerleri ata-anasyn bala tárbıesi jónindegi mindetterin oryndamaǵany úshin jaýapkershilikke tartý boıynsha jumys júrgizip jatyr. Jasóspirim profılaktıkalyq esepke alynady. Sondaı-aq, aýdan ákimdigi janyndaǵy kámeletke tolmaǵandar jónindegi komıssııaǵa tıisti usynys engizildi», - delingen baspasóz habarlamasynda.
Buǵan deıin SQO-da zeınetker jasóspirim qyzben jynystyq qatynasqa túskeni úshin 13,5 jylǵa sottalǵanyn jazǵan edik.