SQO-da máslıhat saılaýyna qatysqan partııalar qansha daýys jınady

PETROPAVL. QazAqparat – Soltústik Qazaqstan oblysy boıynsha máslıhat depýtattary saılaýynyń qorytyndysy shyqty. Bul týraly QazAqparat tilshisi óńir ákimdiginiń resmı saıtyna silteme jasap habarlaıdy.

Óńirde jalpy sany 384 148 saılaýshy tirkelgen. Degenmen, onyń ishinde 250 379 adam daýys berýge qatysqan. Al, saılaýǵa 6 saıası partııa tústi.

Aýmaqtyq saılaý komıssııasynyń qorytyndysyna sáıkes, máslıhat saılaýyna qatysqan partııalar saılaýshylar daýsyn bylaı bólisken:

1. «Amanat» partııasy – 54,45% nemese 128 178 adam daýys berdi;

2. «Aýyl» halyqtyq-demokratııalyq partııasy – 8,14% nemese 19 154 adam daýys berdi;

3. «Respublica» partııasy – 5,36% nemese 12 618 adam daýys berdi;

4. «Qazaqstan halyq partııasy» – 4,87% nemese 11 473 adam daýys berdi;

5. «Baıtaq» jasyldar partııasy – 3,84 % nemese 9 034 adam daýys berdi;

6. «Aq jol» demokratııalyq partııasy – 19,68% nemese 46 323 adam daýys berdi.

Al, 8 646 adam «Bárine qarsymyn» baǵanyn tańdaǵan.

«Daýys berýge qatysqan saılaýshylar daýysynyń 5 jáne odan kóp paıyzyn jınaǵan saıası partııalar úshin depýtattyq mandattardyń bylaısha bólingeni belgilensin: «Amanat» partııasy – 9 mandat, «Aýyl» halyqtyq-demokratııalyq patrıottyq partııasy – 2 mandat, «Respublica» partııasy – 1 mandat, «Aq jol» demokratııalyq partııasy - 3 mandat», - delingen aýmaqtyq saılaý komıssııasynyń qorytyndysynda.