«Qazgıdromet» kásiporny oblystyq fılıalynyń málimetinshe, jalpy, mamyr aıynda aýa temperatýrasy klımattyq normadan joǵary, aılyq ortasha aýa temperatýra 14,7… 15,1°S shamasynda bolady. Bul qalypty kórsetkishten 1-2 gradýsqa joǵary.
Aıdyń birinshi onkúndiginde túngi aýa temperatýrasy 2… 7°S aralyǵynda aýytqıdy, oblystyń soltústik bóliginde 1°S deıin úsik júrýi yqtımal. Keıin temperatýra 8… 13°S -qa deıin kóteriledi. Kúndiz 14… 19°S -tan 22… 27°S -qa deıin jylynady.
Ekinshi onkúndikte de aýa temperatýrasy qubylmaly bolady. Túnde 2… 7°S aralyǵynda saqtalyp, 1°S deıin úsik júrýi múmkin. Keıin túngi temperatýra 10… 15°S-qa deıin joǵarylaıdy. Kúndizgi ýaqytta synap baǵanasy 14… 19°S-tan 24… 29°S-qa deıin jetedi.
Úshinshi onkúndiktiń basynda aýa temperatýrasy tómendep, túnde 0… 5°S deıin sýytýy yqtımal. Kúndiz 12… 17°S shamasynda bolady. Alaıda aı sońyna qaraı qaıta jylynyp, túngi temperatýra 12… 17°S-qa, al kúndiz 26… 31°S-qa deıin kóteriledi.
Jaýyn-shashyn mólsheri aı boıy norma deńgeıinde 25–39 mm) shamasynda bolady. Sonymen qatar jańbyr, naızaǵaı jáne sekýndyna 15–20 metrge deıin jetetin jel jıi qaıtalanýy múmkin. Ekinshi onkúndiktiń basynda tuman túsedi dep boljanǵan.
Buǵan deıin Shyǵys Qazaqstan oblysynda kóktemniń sońǵy aıynda kún birese sýytyp, birese ysyp, aýa raıy qubylmaly bolatynyn jazǵan edik.