SQO-da mal sharýashylyǵy genetıkasy ortalyqtary qurylady
Aýyl sharýashylyǵy jumysshylary kúnine arnalǵan saltanatty sharada oblys ákimi bir jylda atqarylǵan jumystardy qorytyndylap, agroónerkásip keshenin odan ári damytýdyń mindetterin belgiledi.
Q. Aqsaqalov mal sharýashylyǵynyń damý qarqyny baıaý ekenin aıtty. Ósim bar, biraq múmkindikter odan da kóp. Memleket sýbsıdııa bólý arqyly barynsha kómektesip jatyr.
«Biz et jáne sút sharýashylyǵyna arnalǵan genetıka ortalyqtaryn ashýymyz kerek. Bıyl keshender jelisi qurylyp jatyr, negizinen maldardy shetelden ákelemiz. Bir bas iri qarany ákelý quny 1 mln teńgege deıin jetedi. Bizdiń kásiporyndardyń jumys tájirıbesi shyǵyndardy 600-700 myń teńgege deıin qysqarta alatynymyzdy kórsetti. Aqsha óz oblysymyzda, elimizde qalady», - dedi ákim.
Óńir basshysynyń aıtýynsha, aýyl sharýashylyǵy ónimderin shyǵarýǵa erekshe nazar aýdarý qajet. Segiz jyldan beri jumysy toqtap turǵan burynǵy «Bıohım», qazirgi «Bio Operations» zaýyty iske qosyldy. 12 mlrd teńge ınvestıtsııa quıyldy. Krahmal men balaýyz alý qolǵa alyndy. Keler jyly bıoetanol óndirisi jolǵa qoıylmaq.
«Kelesi kezeńde lızın alý jobasy ázirlenip jatyr. Janýarlar azyǵyna qosymsha retinde amın qyshqyly paıdalanylyp jatyr. Ónimdilik 25%-ǵa deıin artady», - dedi Q. Aqsaqalov.
Eksportty arttyrý úshin jyl sońyna deıin 7 sút kesheni iske qosylady. Óńir basshysynyń aıtýynsha, bul ıgi isterdiń basy ǵana. Aldaǵy ýaqytta mundaı jobalar oblystyń ár aýdanynda iske asyrylady.