SQO-da laýazymdy tulǵalar kásipkerlerdi zańsyz teksergeni úshin jaýapqa tartyldy

<p>PETROPAVL. KAZINFORM &ndash; Prokýrorlar bızneske qatysty 29 salyq tekserisin zańsyz dep taýyp, kúshin joıdy. Bul týraly Soltústik Qazaqstan oblysynyń prokýratýrasy málim etti.&nbsp;</p>

Petropavl prokýrorlary tekseris barysynda Qazaqstan Respýblıkasy Kásipkerlik kodeksiniń talaptaryn salyqtyq tekserýlerdi zańsyz júrgizip, nátıjesinde óreskel buzýshylyqtar bolǵanyn anyqtady. 

«Petropavl qalasynyń Memlekettik kirister basqarmasynyń laýazymdy tulǵalary Kodeks talaptaryn buza otyryp, kásipkerlerge qatysty belgilengen zańdy negizdersiz 9 salyqtyq tekserý júrgizgen. Tekserýlerdi taǵaıyndaýǵa oblystyq memlekettik kirister departamentiniń negizsiz tapsyrmasy sebep boldy» — delingen habarlamada.

Osyndaı zańsyz tekserýler Esil, Qyzyljar, M.Jumabaev, Shal aqyn jáne Mamlıýt aýdandarynyń memlekettik kiris organdarynda da anyqtalǵany belgili boldy. 

«Qadaǵalaý organynyń aktileri boıynsha memlekettik kiristiń aýmaqtyq organdarynyń laýazymdy adamdar zańda belgilengen jaýapkershilikke tartylyp, 29 salyqtyq tekserý zańsyz dep tanylyp, kúshi joıyldy. Sonymen birge, oblystyq qadaǵalaý organynyń sharalary boıynsha tekserý júrgizý týraly zańsyz tapsyrma bergeni úshin departamenttiń jaýapty basshylary sógis túrindegi tártiptik jaýapkershilikke tartyldy» - dep habarlady quzyrly organ.

Nátıjesinde qabyldanǵan qadaǵalaý sharalary oblystaǵy 29 kásipkerdiń quqyǵyn zańsyz salyqtyq tekserýlerden qorǵaýǵa múmkindik berdi.

Qadaǵalaý organy bıznes sýbektilerine olardyń quqyqtary men múddeleri buzylǵan jaǵdaıda, olar kásipkerlerdiń quqyqtaryn qorǵaý jónindegi mobıldi top (baılanys nómiri [phone]) arqyly oblystyq prokýratýra qyzmetkerine tikeleı habarlasa alatyndyqtaryn eske salady.