SQO-da kúzde 500-den astam adam ásker qataryna shaqyrylady

PETROPAVL. QazAqparat – Soltústik Qazaqstan oblysynda kúzgi áskerge shaqyrý naýqany aıasynda 31 jigit erteń Shyǵys Qazaqstan oblysyna, QR UQK shekara qyzmetine boryshyn óteýge attanady, dep habarlaıdy QazAqparat tilshisi.

Bıyl kúzde SQO-dan ásker qataryna 500-den astam adam attanýy tıis. Qazir aýdandyq, oblystyq komıssııalar jumys istep, bolashaq sarbazdardy iriktep jatyr. Alǵashqy top – 31 adam erteń Shyǵys Qazaqstan oblysyna, Kúrshimge attanady. Olar búgin psıhologııalyq test tapsyrdy. Sondaı-aq jańa talap boıynsha árqaısysy mindetti túrde PTsR saraptamadan ótip, koronavırýs ınfektsııasyna tekserildi.

«QR Bas sanıtarııa dárigeriniń qaýlysyna sáıkes, ásker qataryna alynýshylar koronavırýs ınfektsııasyna tekseriledi. ıAǵnı aýdandyq, oblystyq komıssııalardan ótken áskerge shaqyrylýshy poıyzǵa otyrardan eki táýlik buryn PTsR zertteýden ótedi. Infektsııa tabylmaǵan jaǵdaıda jolǵa shyǵady. Al áskerı bólimge jetkennen keıin eki apta karantınde otyryp, qaıta saraptama tapsyrady», - deıdi SQO Qorǵanys isteri jónindegi departament bastyǵynyń orynbasary – jabdyqtaý basqarmasynyń bastyǵy Marat Karımov.

Kóktemde óńirden 495 jigit áskerge shaqyryldy. Bıylǵy irikteýde Otan aldyndaǵy boryshyn óteýden jaltarǵandar bolmaǵan.

Departament bastyǵynyń orynbasary Marat Karımovtyń aıtýynsha, jastar áskerge barýdyń qajettigin túsingen. Olarǵa jumysqa ornalasýda jeńildikter bar, sondaı-aq kelisimshart boıynsha áskerı qyzmetti jalǵastyrýǵa bolady.

Soltústikqazaqstandyq bolashaq sarbazdar bıyl jyl sońyna deıin Qarýly kúshter, UQK shekara qyzmeti men Ulttyq Ulanda ásker qataryn tolyqtyrmaq.