SQO-da qutyrma aýrýy tirkelgen aýylǵa shekteý sharalary engizildi
SQO veterınarııa basqarmasynyń málimetinshe, Esil aýdany Birlik aýylynda túlkiniń óleksesi tabylǵan. Oqıǵa ornyna jetken mamandar saraptama alyp, túz taǵysynyń qutyrma aýrýynan ólgenin anyqtady.
«Qutyrma aýrýynyń tabylýyna baılanysty aýylǵa shekteý sharalary engizildi. Dezınfektsııa júrgizildi. It-qusqa, malǵan juqpaly aýrýǵa qarsy vaktsına egildi. Qazir jaǵdaıdy baqylaýda ustap otyrmyz. Túlkiniń óleksesi sáýir aıynda tabylǵan edi. Aýyldyq okrýg ákiminiń shekteý sharalaryn engizý týraly sheshimi ádilet organdarynda uzaq ýaqyt boıy tirkeýde jatty.
Sondyqtan bul sharalar endi ǵana qolǵa alynyp jatyr», - deıdi SQO veterınarııa basqarmasynyń bólim jetekshisi Qaıyrly Qazanov.
Jalpy SQO-da bıyldyqqa mal men úı janýarlarynyń qutyrmaǵa shaldyǵýynyń 11 deregi tirkeldi. Juqpaly aýrýdyń aldyn alý maqsatynda 26 myń malǵa ekpe salyndy. Jyl sońyna deıin taǵy 30 myńnan astam úı janýaryna vaktsına egilmek.
Buǵan deıin Ýálıhanov aýdany Mortyq aýylynda on shaqty buzaýdyń qarasanǵa uqsas aýrýdan qyrylǵanyn aıtqan edik.