SQO-da kúnniń kúrt jylýyna baılanysty eskertý jarııalandy

<p>PETROPAVL. KAZINFORM &ndash; Soltústik Qazaqstan oblysynda 23-26 naýryz kúnderine eskertý jarııalandy.&nbsp;</p>

«Qazgıdromet» RMK SQO fılıalynyń málimetinshe, bul kúnderi aýa temperatýrasynyń joǵarylaýyna baılanysty qar qarqyndy erip, sý basý qaýpi joǵarylamaq.

«Naýryz aıynyń úshinshi onkúndiginde negizinen jaýyn-shashynsyz aýa raıy bolmaq, aýa temperatýrasy túnde -10,-15, oblystyń batysynda -18 gradýs aıaz, kúndiz -3 gradýs aıaz jáne 2 gradýs jylydan +2,+7 gradýs jylyǵa deıin aýytqıdy.

Onkúndiktiń sońynda jańbyr men qar jaýyp, kóktaıǵaq bolady. Batystan soqqan jeldiń ekpini 15-20 m/s deıin jetedi.

Kúndiz aýa temperatýrasy 0,-5 gradýs aıazǵa deıin tómendeıdi dep boljanǵan», - deıdi oblystyq fılıal dırektory Qymbat Merǵalımova.