SQO-da krıptovalıýtany aıyrbastaý pýnktin zańsyz qurǵandar anyqtaldy

<p>PETROPAVL. KAZINFORM &ndash; &nbsp;Soltústik Qazaqstan oblysy boıynsha ekonomıkalyq tergep-tekserý departamenti mamandary krıptovalıýta aıyrbastaý pýnktin zańsyz quryp, tabys taýyp kelgenderdiń isin áshkereledi.&nbsp;</p>

Vedomstvo basshysy Baqytjan Abýlhaırovtyń aıtýynsha, tsıfrlyq aktıvterdi zańsyz krıptovalıýta aıyrbastaý pýnkti arqyly aıyrbastaǵan bir top adamǵa qatysty sot úkimi shyqty. Alaıda, áli zańdy kúshine engen joq.

Qylmystyq kiris 680 mln teńgeni quraǵan. Sottalǵandardan memleket kirisine 392 mln teńgeniń múlki tárkilendi.

«Qarjy pıramıdalarymen kúresý jumysy aıasynda 110 jábirlenýshi bar jáne 100 mln teńgeden asatyn shyǵyn somasymen Qnet qurylymdyq bólimshesine qatysty qylmystyq is sotqa joldandy. Jalpy, qylmystyq ister boıynsha 4 mlrd teńgeden astam soma zalal óteldi, onyń 210 mln teńgeden astamy aqshalaı qaıtaryldy», - deıdi Baqytjan Abýlhaırov.

Mamannyń aıtýynsha, qazirgi ýaqytta AFM-Insaider analıtıkalyq júıesi engizilgen, bul IT quraldaryn paıdalana otyryp, azamattarmen aqparattyq-túsindirý jumystaryn júrgizedi, osy maqsatta Telegram bot jumys isteıdi.

«Kıbernadzor júıesi arqyly qarjy pıramıdalarynyń qyzmetin nasıhattap, azamattardy zańsyz kontentke shaqyrǵan 115 silteme buǵattaldy. Qumar oıyndarǵa táýeldiliktiń aldyn alý baǵytynda da osyndaı jumystar júrgizilip jatyr. Jasandy ıntellekt kómegimen ınternette zańsyz oıyn týraly 414 silteme jáne onlaın kazıno jarnamasyna 625 silteme buǵattaldy», - deıdi departament basshysy. 

Buǵan deıin SQO-da mas kúıde rýlge otyrǵan aýyl ákiminiń jumystan bosatylǵanyn jazǵan edik.