SQO-da koronavırýstyq ınfektsııaǵa shaldyǵý oqıǵalarynyń sany eki esege azaıdy

NUR-SULTAN. QazAqparat – Soltústik Qazaqstan oblysynda koronavırýs ınfektsııasyna shaldyǵý oqıǵalarynyń sany eki esege azaıdy, dep habarlaıdy QazAqparat QR Densaýlyq saqtaý mınıstrligi Sanıtarlyq-epıdemıologııalyq baqylaý komıtetiniń baspasóz qyzmetine silteme jasap.

Aýrýǵa shaldyqqan aımaq turǵyndarynyń basym bóligin 60 jastan asqan adamdar quraıdy.

Soltústik Qazaqstan oblysynda aǵymdaǵy aptanyń tórt kúninde KVI juqtyrýdyń 62 jańa jaǵdaıy tirkeldi. Ótken aptanyń sáıkes kezeńimen salystyrǵanda bul kórsetkish eki ese tómendegen.

Barlyq jaǵdaılardyń 88%-y epıdemıologııalyq kórsetkishter boıynsha anyqtalǵandyǵyn atap ótken jón.

Ótken táýlikte SQO-da KVI-diń 21 jańa jaǵdaıy tirkeldi. Atalmysh jaǵdaılardyń 18-de aýrý belgileri baıqalsa, 3-de belgi baıqalmaǵan.

Koronavırýstyq ınfektsııany juqtyrǵandardyń negizgi úlesin 60 jastan asqan adamdar (jergilikti halyqtyń 30%), 50-59 jas aralyǵyndaǵy adamdar (jergilikti halyqtyń 18%) quraıdy.

Óńirdegi epıdemıologııalyq ahýalǵa berilgen baǵaǵa sáıkes Soltústik Qazaqstan oblysy 3 maýsymnan bastap «jasyl» aımaqta. Sońǵy táýlikte óńirde 30-dan astam adam koronavırýstyq ınfektsııadan aıyqqan.