SQO-da koronavırýstan qaıtys bolǵandardyń 78 paıyzy - egde kisiler

PETROPAVL. QazAqparat – Soltústik Qazaqstan oblysynda 115 myńnan astam egde jastaǵy kisi koronavırýsqa qarsy ekpe saldyrýy tıis bolsa, sonyń búginde 56 %-dan astamy ǵana vaktsına alǵan, dep habarlaıdy QazAqparat tilshisi.

SQO ákimdiginiń otyrysynda vaktsınatsııa máselesi sóz boldy. Densaýlyq saqtaý basqarmasynyń basshysy Nurlan Aımanovtyń aıtýynsha, 60 jastan asqandar koronavırýsqa qarsy vaktsına saldyrýǵa asyǵar emes.

Munyń saldarynan egde jastaǵylar arasynda aýrý beleń alǵan, ólim-jitim joǵary.

«Bıyl koronavırýstan qaıtys bolǵan 29 adamnyń 23-i – 60 jastan asqandar. Іndet bastalǵaly aýyryp, ómirden ótken 469 syrqattyń 78,2 % – egde jastaǵylar. Qazirgi ýaqytta jansaqtaý bólimshelerinde jatqan syrqattardyń 82 %-y – taǵy da ata-ájelerimiz. Medıtsınalyq ottegige táýeldi 204 syrqatymyz bar, sonyń 160-tan astamy – zeınetkerler. Qańtar aıy bastalǵaly 6 925 adamda KVI anyqtaldy, olardyń shamamen 21 %-y – 60 jastan asqandar jáne onyń 95 paıyzy vaktsına saldyrmaǵan», - deıdi Nurlan Aımanov.

SQO-da jasy 60-tan asqan 115 343 adam vaktsınatsııadan ótýi tıis. Alaıda, búginge deıin olardyń 65 041-i ǵana ekpe saldyrǵan, bul shamamen 56 %-y.

Dárigerdiń aıtýynsha, kórshi elderde jaǵdaı anaǵurlym jaqsy, máselen Reseıde egde jastaǵylardyń 75 %-y, Ózbekstanda 98 %-y vaktsına alǵan.

«Jyl basynan qaıtys bolǵan 29 adamnyń 27-sinde sozylmaly aýrýlary bolyp, dárigerlerdiń esebinde turǵan. KVI juqtyrǵannan keıin artyq salmaǵy bar, qant dıabetimen, gıpertonııamen, júrek, ókpe aýrýlarymen, onkologııamen aýyratyndardyń jaǵdaılary kúrt nasharlaıdy. Qazir jansaqtaý bólimshelerinde jatqan 22 adamnyń 21-inde osyndaı sozylmaly aýrýlary bar. Sondyqtan osyndaı qater tobyna jatatyndar mindetti túrde koronavırýsqa qarsy ekpe alýlary tıis. Oblysta dıspanserlik esepte turǵan 83 019 adam vaktsına saldyra alady. Olardyń 73 %-y y kúni ekpe aldy», - deıdi basqarma basshysy.