SQO-da koronavırýspen aýyrǵandardyń 31 paıyzy – 60 jastan asqandar

PETROPAVL. QazAqparat – Soltústik Qazaqstan oblysynda epıdemıologııalyq jaǵdaı turaqsyz, sońǵy eki aptada koronavırýs juqtyrýdyń 2146 jaǵdaıy tirkeldi, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, pandemııa bastalǵannan beri oblysta KVI juqtyrýdyń 30 158 jaǵdaıy tirkeldi, onyń 2,4 % - shekara arqyly ótkender.

Óńir 2 qazannan beri «qyzyl» aımaqta. Epıdemıologııalyq jaǵdaı turaqty emes, sońǵy 2 aptada oblysta koronavırýs juqtyrýdyń 2146 jaǵdaıy tirkelgen.

Osyǵan uqsas kezeńmen salystyrǵanda aýyrý 4,2 %-ǵa ósken.

Tek ótken táýlikte 143 jaǵdaı tirkeldi, onyń ishinde 126 syrqatta aýrý belgileri bolǵan.

«Pandemııa bastalǵannan beri oblysta aýyrǵandardy jas sanatyna qaraı taldaıtyn bolsaq, basym kópshiligi, ıaǵnı 31 %-y - 60 jastan asqan adamdar, 18 %-y - 50-59 jastaǵylar jáne 13 %-y – 40-49 jastaǵylar. Sondaı-aq juqtyrǵandardyń 33 %-y jumys istese, 28 %-y - zeınetkerler, 16 %-y jumys istemeıtinder», - deıdi departamenttiń baspasóz hatshysy Aınash Saǵandyqova.

SQO densaýlyq saqtaý basqarmasy baspasóz qyzmetiniń málimetinshe, syrqattanǵan 30 158 adamnyń 26 667-si táýir bolǵan.

Qazir ınfektsııalaq statsıonarlarda 629 syrqat bar, 19-y karantınde, 51-i jansaqtaý bólimshelerinde jatyr.

Al aýyryp qaıtys bolǵandardyń sany 319-ǵa jetti. Tek ótken táýlikte 2 adam kóz jumdy.