SQO-da koronavırýspen aýyrǵandar sany 33%-ǵa tómendedi

SOLTÚSTІK QAZAQSTAN. QazAqparat - Sońǵy 2 aptada SQO-da Covid-19 aýyrǵandar 33%-ǵa ıaǵnı, 2286-dan 1426 jaǵdaıǵa deıin tómendedi. Bul týraly QazAqparat Sanıtarııalyq-epıdemıologııalyq baqylaý komıtetine silteme jasap habarlaıdy.

Jalpy jaǵdaılardyń ishinde-22 670-profılaktıkalyq tekserý kezinde juqtyrǵandardyń 13%-y anyqtaldy, 65%-y medıtsınalyq kómekke júgingen adamdar arasynda tirkeldi, al 23%-y baılanysta bolǵandar arasynda anyqtaldy.

Juqtyrýdyń ákelingen jaǵdaılaryn tirkeý jalǵasýda. Ótken jyldyń qazan aıynan bastap avtomobıl joldaryndaǵy ótkizý pýnktteri arqyly 239 054 adam keldi. QR 5 319 azamatynda anyqtama bolǵan joq, olar COVID-19-ǵa zerthanalyq tekserý úshin karantındik statsıonarlarǵa ornalastyryldy. Oń nátıjemen 315 adam anyqtaldy. 1306 sheteldik azamattarǵa testileý týraly anyqtamanyń bolmaýyna baılanysty kirýge tyıym salyndy.

Oblys 4 qyrkúıekten bastap «sary» aımaqta ornalasqan. Dál qazir aýrýdyń tómendeýi kezinde bosańsýǵa bolmaıdy. Sanıtarııalyq sharalar saqtalmaǵan jaǵdaıda jaǵdaı kez kelgen ýaqytta odan da nashar jaqqa ózgerýi múmkin. Sanıtarııalyq erejeler men qaýlylardyń barlyq talaptaryn saqtaýdy suraımyz: betperde kııý, áleýmettik qashyqtyqty saqtaý, buqaralyq is-sharalarǵa qatysýdan bas tartý, jeke gıgıena talaptaryn saqtaý.