SQO-da koronavırýs juqtyrǵan 47 adamnyń jaǵdaıy nashar

PETROPAVL. QazAqparat – Soltústik Qazaqstan oblysynda ótken táýlikte 72 adam koronavırýsty juqtyrdy, jalpy aýyrǵandar sany 25 myńǵa jýyqtady, dep habarlaıdy QazAqparat tilshisi.

SQO densaýlyq saqtaý basqarmasynyń málimetinshe, qazir óńirde koronavırýspen aýyrǵandarǵa arnalǵan 1200 oryn bar. Ol búginde 56,3 %-ǵa júktelgen. Infektsııalyq statsıonarlarda 653 adam em alyp jatyr, olardyń 47-siniń jaǵdaıy aýyr. Ótken táýlikte úsh adam qaıtys boldy, osylaısha kóz jumǵandardyń sany 214 adamǵa jetti.

4 qazandaǵy jaǵdaı boıynsha SQO-da 72 adamda KVI anyqtaldy. Juqtyrǵandar sanynan Petropavldyń úlesi joǵary – 19 adam. Jambyl, Qyzyljar aýdandarynda 7 adamnan tabylsa, M.Jumabaev, Shal aqyn aýdandarynda 6 jaǵdaıdan tirkelgen. Qalǵan aýdandarda 5-eýden tómen.Tek Aqjar aýdanynda ǵana bir de bir jaǵdaı tirkelmegen.

Jalpy SQO-da pandemııa bastalǵaly 24 863 adam koronavırýs juqtyrdy. Táýir bolǵandardyń sany – 22 726. Al aqpan aıynan bastap 242 478 adam vaktsınatsııanyń birinshi kýrsynan ótse, tolyq ekpe alǵandardyń sany 220 532 adamǵa jetti.