SQO-da kólik júrgizýge tyıym salynǵan 140-qa jýyq adam júrgizýshi kýáligin alǵan

<p>Jolda júrý qaýipsizdigin teksergen Soltústik Qazaqstan oblysynyń prokýrorlary jergilikti atqarýshy organdar men oblystyń polıtsııa bólimshelerinde júıeli zań buzýshylyqtardy anyqtady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

SQO prokýratýrasynyń málimetinshe, jergilikti atqarýshy organdardyń laýazymdy adamdary «Jol qozǵalysy týraly» QR zańynyń 24-babynyń talaptaryn buza otyryp, jol qozǵalysy týraly polıtsııa organdarynyń 79 uıǵarymy boıynsha shara qabyldamaǵan. ıAǵnı jol jamylǵysyn belgilengen normatıvterge sáıkes keltirýge asyqpaǵan.

Zań talabyna saı bilim berý mekemesiniń janynda jol belgileri men tańbalary bolýy qajet. Oblystaǵy kún saıyn 6 myńnan astam bala baratyn 83 mektepte bul belgiler bolmaǵan.

Medıtsınalyq qarsy kórsetilim boıynsha kólik júrgizýge tyıym salynǵan 138 adamda júrgizýshi kýálikteriniń barlyǵy anyqtaldy. Sonyń biri - N. degen adamǵa sot arqyly kólik quralyn basqarýǵa tyıym salyndy. Qalǵandary boıynsha qazirgi ýaqytta jumys júrgizilip jatyr.

Polıtsııa organdary QR Ákimshilik quqyq buzýshylyq týraly kodekstiń 73-babynyń talaptaryn buzyp, 17 quqyq buzýshyny jol qozǵalysy erejeleri týraly bilimin tekserýge jiberý týraly qaýly shyǵarmaǵan.

Qadaǵalaý organynyń aktileri boıynsha 22 laýazymdy tulǵa, onyń ishinde oblystyq ákimshilik polıtsııa bólimsheleriniń qyzmetkerleri men Aıyrtaý aýdany ákiminiń orynbasary tártiptik jaýapkershilikke tartyldy. Jiberilgen zań buzýshylyqtardy joıý jáne osy saladaǵy jaǵdaıdy jaqsartý boıynsha keshendi jospar ázirlendi.