SQO-da kólik apatynan eki adam mert bolyp, tórteýi jaraqattandy

<p>PETROPAVL. KAZINFORM &ndash; Soltústik Qazaqstan oblysynda Novonıkolskoe eldi mekeniniń mańynda eki jeńil kólik soqtyǵysyp, eki adam mert boldy.</p>

Jol-kólik oqıǵasynyń beınejazbasy áleýmettik jelide tarady.

Kýágerlerdiń aıtýynsha, kólik apatyna joldardyń durys tazalanbaýy sebep bolǵan. Muz oıyqtar kólikti ushyryp jibergen.

SQO Polıtsııa departamenti baspasóz qyzmetiniń málimetinshe, jol-kólik oqıǵasy 23 qańtarda shamamen saǵat 16.00-de SQO Qyzyljar aýdanynyń "Jezqazǵan-Petropavl" respýblıkalyq mańyzy bar avtojolynda bolǵan. "Peugeot" jáne "Toyota Camry" avtokólikteri soqtyǵysyp qalǵan.

Jol-kólik oqıǵasy saldarynan jeńil kólikterdiń 2 jolaýshysy oqıǵa ornynda alǵan dene jaraqattarynan qaıtys boldy. 4 adam medıtsınalyq mekemelerge jetkizildi.

Atalǵan fakt "Eki nemese odan da kóp adamnyń ólimine ákep soqqan kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy" boıynsha sotqa deıingi tergep-tekserýlerdiń biryńǵaı tiziliminde tirkeldi.

Avtokólikter mamandandyrylǵan turaqqa qoıyldy.