SQO-da kólik urylaryn ustaý úshin avtojoldy jabýǵa týra keldi

PETROPAVL. QazAqparat – Soltústik Qazaqstan oblysynda belgisiz ekeý kólikti aıdap áketip, olardy ustaý úshin polıtseıler «Tosqaýyl» josparyn jarııalady, dep habarlaıdy QazAqparat tilshisi.

SQO-daǵy «Ońtústik» ótkizý pýnktin búgin shlagbaým qoıyp jabýǵa týra keldi.

Polıtsııa departamentiniń málimetinshe, qazirgi ýaqytta avtojol ashyq, kedergi alyndy. Jolǵa shlagbaým qoıýǵa kólikti aıdap áketý faktisi sebep bolǵan.

10 tamyz kúni saǵat 4.20 mınýt ketkende Mamlıýt aýdandyq polıtsııa bóliminiń «102» nómirine habarlama túsedi. Habarlasqan adam 5 mınýt buryn Pokrovka eldi mekeniniń mańynan eki beıtanys adamnyń aq tústi kólikti belgisiz jaqqa aıdap áketkenin aıtqan.

Bul fakti boıynsha «Tosqaýyl» jospary engizildi.

Urlanǵan kólik oblys aýdandarynyń birinen tabyldy. Qazirgi ýaqytta polıtseıler oqıǵa ornynda jumys istep, istiń mán-jaıyn anyqtap jatyr.