SQO-da Qoǵamdyq baqylaý kartasyna jyl basynan beri 85 habarlama tústi
SQO Memlekettik qyzmet isteri jáne sybaılas jemqorlyqqa qarsy is-qımyl departamenti mamandarynyń málimetinshe, telefon nómirine túsken habarlamalardyń 57-si qala, qalǵany aýdan turǵyndarynan.
Ótinishterdiń basym bóligi - 30-y turǵyn úı páter ıeleri kooperatıvteriniń jumysyna qatysty. Sondaı-aq turǵyndar kóbine densaýlyq saqtaý salasy (8) boıynsha, bilim berýge (6) qatysty kómekke júginedi eken. Budan basqa turǵyndardan tutynýshylardyń quqyǵyn qorǵaý, áleýmettik sala, eńbek qatynastary, azamattyq-quqyqtyq qatynastar, memlekettik baǵdarlamalardyń oryndalýy, memlekettik qyzmetkerlerdiń etıkasyna baılanysty habarlamalar túsken. Barlyq ótinishterge tıisti túsiniktemeler berildi.
«Qys ýaqytynda turǵyndar qala kóshelerin qardan tazalaý boıynsha kóp habarlasty. Kommýnaldyq qyzmetter ol ýchaskelerde birinshe kezekte jumys atqardy. Tımırıazev aýdanyndaǵy Belogradovka eldimekeniniń turǵyny paıdalanǵan sý úshin túbirtek berilmeıtinin jáne qys ýaqytynda sýdyń durys aqpaıtynyn aıtyp aryzdandy. Bul másele de sheshimin tapty. Kommýnaldyq qyzmet jumysy retke keltirilip, qazirgi ýaqytta sý torabynda jóndeý jumystary júrgizilip jatyr», - deıdi SQO Memlekettik qyzmet isteri jáne sybaılas jemqorlyqqa qarsy is-qımyl departamentiniń bas mamany Olga Brıýnına.
Mamandardyń aıtýynsha, bir jyl buryn iske qosylǵan jobanyń maqsaty turǵyndarda belsendi azamattyq ustanym qalyptastyrý jáne memlekettik qyzmetkerlerge degen senimin arttyrý.