SQO-da Qyzyljar kreatıvti ındýstrııa ortalyǵy ashyldy

<p>ASTANA. KAZINFORM &ndash; Bıyl Soltústik Qazaqstan oblysynda mádenıet salasyndaǵy 16 nysanǵa kúrdeli jóndeý jumystary júrgizildi. Bul týraly oblys ákimi Ǵaýez Nurmuhambetov aıtyp berdi.</p>

Ákimniń aıtýynsha, oblys ortalyǵy Petropavlda «Botaı» Art-galereıasy ashyldy. Munda kórmeler men kezdesýler ótkiziledi.

− Prezıdent tapsyrmasy aıasynda Qyzyljar kreatıvti ındýstrııa ortalyǵy ashyldy. Jobanyń júzege asyrylýyna «Samuryq-Qazyna Trast» damý qory qoldaý kórsetti. Ǵımarattyń tarıhı kelbetin saqtaı otyryp, qaıta jańǵyrtý jumystary júrgizildi, shyǵarmashylyq jobalardy damytýǵa arnalǵan ınnovatsııalyq jabdyqtar ornatyldy. Bul — talantty jastardyń shyǵarmashylyǵyn damytýǵa yqpal etetin, kreatıvti ındýstrııanyń damýyna jol ashatyn biregeı alań, − dedi Ǵ. Nurmuhambetov Astanada Ortalyq kommýnıkatsııalar qyzmetinde.

Aıta keteıik, SQO-da apatty mektepter men jataqhana tapshylyǵy máseleleri tolyq sheshildi.

Sondaı-aq, kardıortalyq pen qalalyq aýrýhanaǵa zamanaýı angıograftar qoıylyp, SQO dárigerleri júrekke joǵary tehnologııalyq ota jasaı bastady.