SQO-da qyzylsha juqtyrý bir aıda 3,5 ese ósti

<p>Soltústik Qazaqstan oblysynda bir aptada qyzylsha juqtyrýdyń 13 jaǵdaıy tirkeldi. Al bir aıda bul dertpen 168 adam aýyrǵan, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

SQO sanıtarııalyq-epıdemıologııalyq baqylaý departamenti basshysynyń orynbasary Arman Kúshbasovtyń aıtýynsha, oblysta 2023 jyldyń basynan bastap qyzylshaǵa kúdikti 403 jaǵdaı tirkeldi, onyń 254-i zerthanalyq jolmen rastaldy. Jeltoqsan aıynda aýrý juqtyrý 47-den 168-ge deıin ósken.

«Syrqattanǵandardyń 85% - Petropavl turǵyny. 14 jasqa deıingi 91 bala, 15 pen 19 jas aralyǵyndaǵy 60 jasóspirim aýyrǵan. Sonyń ishinde eń úlken úles 1-4 jas aralyǵyndaǵylarda, 51 bala syrqattandy. Ulttyq ulan akademııasynyń 52ókili, 34 stýdent aýyrdy. Syrqattanǵandardyń arasynda 8 medıtsına qyzmetkeri, 2 muǵalim, 1 áskerı qyzmetshi jáne zeınetker bar», - deıdi Arman Kúshbasov.

Qyzylsha juqtyrǵandardyń 82% egilmegen.

Mamannyń aıtýynsha, oblysta qyzylshaǵa qarsy qosymsha jappaı ımmýndaý barysynda 15 704 adam egildi.

SQO densaýlyq saqtaý basqarmasynyń málimetinshe, qazirgi ýaqytta 32 syrqat statsıonarlyq em qabyldap jatyr, onyń 23-i – bala. Jansaqtaý bólimshesinde jatqan patsıentter joq.