SQO-da qyzylsha juqtyrǵandar kúrt kóbeıdi

<p>Soltústik Qazaqstan oblysynda qyzylshany juqtyrǵandar sany 289-ǵa jetti, onyń 162-si zerthanalyq jolmen rastaldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

SQO sanıtarııalyq-epıdemıologııalyq baqylaý departamentiniń basshysy Áset Jumataevtyń aıtýynsha, syrqattanǵandardyń 87 %-y Petropavl turǵyny. Aýyrǵandardyń 33 %-y 15 jasqa deıingi balalar.

«QR Ulttyq ulany akademııasynda qyzylshany juqtyrǵandar sany 50-ge jetti. Jalpy stýdentter arasynda 22 jaǵdaı tirkelip otyr. Syrqattanǵandardyń 84%-y ekpe almaǵan. Búgingi tańda qyzylsha aýrýy taraǵan 22 mekeme jáne 138 turǵyn úı baqylaýǵa alyndy», - deıdi Áset Jumataev.

SQO boıynsha qyzylshamen aýyrǵandarǵa 181 oryn qarastyrylǵan, onyń 113-i balalarǵa, 68-i eresekterge arnalǵan.

«Búgingi tańda qyzylshaǵa kúdik bar 26 patsıent statsıonarlyq em alyp jatyr, onyń ishinde 13 bala, sonyń tek ekeýi ǵana vaktsınatsııalanǵan. Reanımatsııa bóliminde patsıentter joq. Ótken táýlikte 2 bala, 1 eresek adam aýrýhanaǵa jatqyzyldy, 7 naýqas úılerine jiberildi. Jalpy osy ýaqytqa deıin statsıonarlarda barlyǵy 163 adam - 82 eresek, onyń ishinde 1 júkti áıel, 81 bala emdeldi. Ambýlatorııalyq emdeýde qazir 34 syrqat, onyń ishinde 16 bala bar», - deıdi SQO Densaýlyq saqtaý basqarmasy basshysynyń orynbasary Nurjan Taǵanııazov.