SQO-da keıingi eki jylda 48 myńǵa jýyq balanyń quqyǵy qorǵaldy
SQO prokýratýrasynyń málimetinshe, balalardyń quqyqtaryn qorǵaý prokýratýra organdary qyzmetiniń basym baǵyttarynyń biri jáne turaqty baqylaýǵa alynǵan. Keıingi eki jylda 47 807 balanyń quqyǵy qorǵaldy.
Máselen, byltyr Petropavl qalasynyń prokýratýrasy jalpy bilim beretin mekemelerdiń qyzmetine taldaý júrgizip, nátıjesinde sabaq arasyndaǵy úzilisterdiń negizsiz qysqartylǵanyn, osylaısha oqýshylardyń quqyǵy buzylǵanyn anyqtaǵan.
Qadaǵalaý organynyń aktisi boıynsha sabaqtar arasyndaǵy úzilisterdiń uzaqtyǵy zańnama talaptaryna sáıkestendirildi, 14 myńnan astam balanyń quqyǵy qorǵaldy.
Bıyl oblys prokýratýrasy qys mezgilinde Petropavldaǵy jalpy bilim beretin birneshe mektepte temperatýra rejıminiń saqtalmaýyn anyqtap, tıisti talaptyń oryndalýyna muryndyq boldy.
Kámeletke tolmaǵan balalaryna alıment tóleýden jaltaryp júrgen boryshkerlerden qadaǵalaý sharalarymen 32,5 mln teńge alıment óndirilip alyndy.
Sońǵy 2 jylda ókiletti memlekettik organdardyń qyzmetin úılestirý nátıjesinde alıment boıynsha jalpy borysh somasy 1,1 mlrd teńgeden 175,4 mln teńgege deıin azaıdy.
Buǵan deıin SQO-da alıment tóleýden qashqan 31 adamnyń qamaýǵa alynǵanyn aıtqan edik.