SQO-da keıbir mektepter qashyqtan oqytý formatyna kóshirilmek
Jańa qaýlyǵa sáıkes 3 toqsanda Petropavldyń jáne aýdan ortalyqtarynyń, aýyldardyń 600-ge deıin oqýshysy bar mektepteri shtattyq rejımde jumysqa kirisedi. Oqýshy sany odan joǵary bolǵan jaǵdaıda qashyqtan oqytý formatyna kóshedi.
Al qashyqtan oqytý formatyna kóshken mektepterde ákimshiliktiń sheshimi boıynsha 1-2 synyptar qalypty rejımde, al 3-5 synyptarda kezekshi synyptar bolýy múmkin.
Kolledjder men joǵary oqý oryndarynyń stýdentteri aralas oqytý formatyna kóshedi, dárister qashyqtan, al zerthanalyq-tájirıbelik jumystar offlaın ótedi.
Vaktsınatsııalanǵan oqýshylar men tolyq vaktsınatsııa kýrsyn aıaqtaǵan stýdentterdi oqý orny ákimshiliginiń qalaýy boıynsha shtattyq rejımde oqytýǵa ruqsat beriledi.
Mektepten tys bilim berý uıymdarynda oqytý shtattyq rejımde júrgiziledi, tek topta adam sany 10-nan aspaýy qajet.
Sondaı-aq «Ashyq» jobasyna qatysatyn nysandar jumys jáne demalys kúnderi saǵat 01.00-ge deıin, «Ashyq» jobasynyń kóshbasshylaryna saǵat 03.00 - ge deıin jumys isteýge ruqsat berildi.
Demalys kúnderi jumys isteıtin nysandarda qyzmetkerler men qelýshilerde «jasyl» mártebesi nemese synamalardy alǵan sátten bastap 7 táýlikten aspaıtyn teris nátıjesi bar PTR test bolýy, KVI-ǵa qarsy vaktsınatsııalaýǵa turaqty medıtsınalyq qarsy kórsetilemderi bolýy mindetti nemese sońǵy 3 aı ishinde KVI-men aýyryp jazylǵany týraly anyqtamany kórsetýi qajet.
«Jasyl» mártebesiniń bolýy oblysaralyq jáne oblysishilik turaqty tasymaldarǵa, otelderge, qonaq úılerge, áýejaılarǵa, temirjol, avtomobıl, avtobeketterge, jolaýshylarǵa qyzmet kórsetý pýnkterine, bilim berý nysandaryna, JOO-ǵa, kolledjderge, bilim berý uıymdarynyń ınternattary men jataqhanalaryna, sondaı-aq «Ashyq» jobasyna qatysatyn áleýmettik-ekonomıkalyq nysandarda mindettelmeıdi.
Al saýda ortalyqtaryna, teatrlarǵa, mádenıet nysandaryna, sport keshenderine, saýna, monsha, basseınderge tek «jasyl» mártebesi barlar ǵana shekteýsiz kire alady.