SQO-da kelesi aptada revaktsınatsııa bastalady
Óńirlik kommýnıkatsııalar qyzmetinde ótken brıfıngide SQO sanıtarııalyq-epıdemıologııalyq baqylaý departamenti basshysynyń orynbasary Arman Kúshbasov revaktsınatsııaǵa daıyndyq barysyna toqtaldy. Eń aldymen qater tobyna jatatyn turǵyndar ekpe almaq. Olardyń arasynda medıtsınalyq-áleýmettik mekemelerdiń qyzmetkerleri jáne jasy 60-tan asqan turǵyndar da bar. Sondaı-aq ımmýnıteti nasharlaǵan, KVI-ge qarsy vaktsına alǵanymen antıdene qalyptaspaǵandar da qoıǵyza alady.
SQO-da búginde eresek turǵyndardyń 70 %-y vaktsınatsııadan ótti. Qazirgi ýaqytta COVID-19-ǵa qarsy vaktsınanyń birinshi komponentin 258 071 adam qoıǵyzsa, 240 866 adam tolyq kýrstan ótti.
«Vaktsınatsııa endi bastalǵanda turǵyndar arasynda senimsizdik, qorqynysh boldy. Keıbiri, tipti, jasyryn emes, qujatty qoldan jasatty. Ýaqyt koronavırýsqa qarsy vaktsınanyń qaýipsiz ekendigin jáne nátıjesi bar ekendigin kórsetti. Eger de óńir turǵyny vaktsınatsııa pasportyn satyp alǵan bolsa, keıin vaktsına alamyn dep sheshse, memlekettik organdar tarapynan eshqandaı qýdalaý bolmaıdy. Eger de qujatty qoldan jasaǵan medıtsınalyq qyzmetkerlerdi anyqtap jatsaq olar zańǵa saı jazalanady. Al azamattarǵa eshqandaı jaza qarastyrylmaǵan, óıkeni bizdiń maqsatymyz - jazalaý emes, adamda qaýipti ınfektsııaǵa qarsy ımýnıtet qalyptastyrý, aýrýdan saqtaý», - deıdi SQO densaýlyq saqtaý basqarmasy basshysynyń orynbasary Qumar Kúsemisov.
Buǵan deıin óńir turǵyndarynyń Pfizer vaktsınasyn alyp jatqanyn aıtqan edik. Bir kúnde 60-qa jýyq jasóspirim, júkti jáne emizýli balasy bar áıel ekpe aldy.